حد عارف حاجة !!!

" حسبى الله و نعم الوكيل .. 1034 واحد ماتوا و ياخدوا براءة !!!!! "

طبعا الراجل عنده حق .. لما فى يوم يسمع ان مراته و 4 من اولاده ماتوا فى يوم واحد ..

يعنى فجأة فقد اهله كلهم .. لأ و بدل ما يلاقى محاكمة سريعة و عقوبات ..

لأ ..المحاكمة بتقعد سنتين و نص .. لأ و كمان بياخدوا براءة ..

ده انا كنت حاسس انهم شوية و حيعاقبوا الناس اللى غرقوا و اهلهم .. لانهم اكيد عملوا حاجة فى العبارة ..

هو الشعب المصرى كده .. مش بيحافظ على النعمة ..

شعب غريب !!!!

...

لأ و العجيب ان كل القنوات ساعة الحادث و كعادة المصريين .. كانوا متحمسين جدااا...

كله عمل فريق تحقيق و بحثوا .. و قالوا كلام عن حاجات كانت فى العبارة و منتهية الصلاحية ..

و ان العبارة نفسها اصلا منتهية الصلاحية .. و مفيش حاجات للنجاة كافية و قصص كتير ..

حسسوا الناس انو على الاقل الراجل حيعدم فى ميدان عام ..

ده غير ان طبعا المقولة الشهيرة ..

" لا احد فوق القانون "

..

لأ و بعد فترة .. الراجل سافر لندن .. و قالوا للعلاج ..

طب يسافر ازاى .. و كارثة زى دى حصلت ..

اتحدى ان حد يقدر يدى سبب مقنع للناس ..

و بعدين بقى اتقدم بلاغ للنيابة و حصلت القضية ..

و على ما حصل الاستدعاء .. كان طبعا سافر الى لندن ..

طب الراجل راح فين ..

قالوا لندن .. طب مش المفروض يرجع عشان فيه محاكمة و كده ..

لأ .. اصل مفيش بين مصر و انجلترا اتفاقية لتسليم المتهمين و كده ..

و سبحان الله .. الراجل كان مسافر لندن بالصدفة ..

طبعا المعلومة بتاعه الاتفاقية مكانتشى معروفة ..

و طبعا للعلاج ..

اكيد ربنا حيشفيه بدعوات اهالى الضحايا !!!

...

حاجة تانية امبارح حصلت ..

كل الدنيا كانت بتتكلم على الفيلم الايرانى بتاع اعدام فرعون .. و كله بيتكلم و تقريبا محدش شافه ..

محدش يعرف ان الفيلم اصلا فيلم تسجيلى ..

و ان شخصيات كتيرة جداا منها جيهان السادات طالعين فى الفيلم .. و معظم اللى بيتكلموا فى الفيلم شخصيات مصرية و شهيرة جداا

و القصة اصلا .. ان شركة مصرية حضّرت فيلم تسجيلى وسجلت مع شخصيات من مصر و كانوا بيتكلموا عن الفترة بتاعة الاغتيال

و اسباب الاغتيال و اراؤهم ...

المهم بعد كده شركة ايرانية اشترت الفيلم ده .. و بعدين زودت شوية بدايات فى الاول ..

طبعا كلام مش كويس و خصوصا ان الراجل مات ...

الطريف بقى .. و انا بشوف برنامج 90 دقيقة امبارح ..

على لسان طلعت السادات .. بيشبه عمه بالخليفة العادل الزاهد عمر بن عبد العزيز ..

طبعا انا احترم الرئيس انور السادات .. بس زمن عمر بن عبد العزيز مختلف بشكل كامل

ده الناس مكانوش لاقيين حاجة يعملوها بفلوس الزكاة .. بعد ما الشباب اتجوز و مبقاش فيه ناس محتاجة للفلوس ..

...

من فترة هاجمت جبهة علماء المسلمين احمد عز دون ان تسميه و قالت عليه انو محتكر الحديد فى مصر ..
http://masrawy.com/News/Egypt/Politics/2008/June/30/ezz.aspx

وناس كتيرة اوى فى مصر بيقولوا نفس الكلام ..

و عادى خالص ..

و اللذيذ انو هو اللى كان بيصيغ قانون الاحتكار ..

و الناس كلها ليها رأى ان ده احتكار و عادى خالص ..

و هو لسه مستمر فى مكانه و لا حد كلمه او حيكلمه ..

....

مرتضى منصور و احمد شوبير ..

مرتضى منصور اتهم ناس بالهبل بأنهم حرامية و مرتشين ..

ناس فى اتحاد الكورة ...احمد شوبير .. اعضاء فى الحكومة .. عادى خاااااااااالص ..

طب حد يرد لأ .. طب حد يقدم مستندات و يحاكم .. لأ

طب يا ترى الناس دى فجأة بتبقى كده ..

اكيد لأ ..

طيب لو هو عارف كده من زمان مش معنى لما بيختلفوا معاه ..بيقول عليهم كده ..

ده يديك احتمال ان الكلام مش صح ..

بس لما تفكر و تقول طيب الناس مش بترفع عليه قضية سب و تشهير ليه ؟؟

تبتدى تسئل نفسك ..

هو فيه ايه ..

و هل الموضوع اصلا مصالح ؟؟

...

عادى خالص .. فى كل الكلام اللى مكتوب فوق ده .. مفيش رأى اكيد ..

غالبا يعنى اللى بيحصل ..

ان الناس شايفة حاجة و مقتنعين بيها .. و اللى حاصل و موجود العكس ..

فى حكم المحكمة .. احتكار الحديد .. مرتضى منصور ظالم ولا مظلوم ..

حد عارف حاجة !!!!

كل شئ تحت السيطرة

الزمان : 1-9 -2009
المكان : كوكب المريخ على ضفاف نهر الزمبيزي
الحدث : إجتماع لجنة الجودة والرقابة الإبليسية السنوي

يصعد الأب إبليس الكبير على المنصة مبتدئا كلمته بما تيسر من الوسوسة الشيطانية ثم يلقي التحية الإبليسية على كل الحاضرين : العذاب عليكم وسخط الله ولعناته
ليرد الحاضرون : وعليك العذاب ..
ثم يشير لهم بالجلوس

وقد رحب قذارته بالحاضرين .. وخص بالتهنئه والمديح كلا من : سفير دولة إبليس في الشرق الأوسط و وزير الشباب ووزير الفــُجر الأخلاقي ووزير الهبوط الفني و وزير العري نظرا لنشاطهم الملحوظ ..

ثم أشار إلى " مسخور واطي مسخور " منسق الاجتماع للبدء بالمشكلات فرد عليه قائلا : مفيش مشاكل مواجهانا خالص يا فندم .. ده حتى احنا فيه أيام بناخد اجازة والبني ادمين همه اللي بيحلوا مكاننا ... ورديات يعني سيادتك

إبليس : ممم عظيم عظيم ... طيب إعرض لي ملخص للإنجازات التي قدمتوها في عهدي وتحت رعايتي

مسخور : في عهدك يا ريس عملنا انجازات عظيمة و الفضل كله يعود لوقاحة وسفالة وخساسة سيادتك
- احنا يا فندم استطعنا ان نسيطر سيطره كامله على الشاب .. فمن جهة تم انشاء 765876 موقع اباحي على الانترنت و...

ابليس مقاطعا : ايه ده هو النت وصل للبني ادمين ؟؟؟

مسخور : ايوه يا فندم وده ساعدنا كتير في الوصول لعدد اكبر بمجهود اقل

ابليس : عظيم عظيم ... ها ايه تاني ؟؟

مسخور : ومن جهة أخرى يا فندم استطعنا انشاء 8764854 قناة تعرض العري بجميع انواعه ( العري بغناء - العري برقص - العري بكلاهما ) .. وانشأنا قناة الأطفال " إبليس توون " والتي جذبت الكثير من الاطفال في الارض

ابليس : ودي بتعرضوا فيها ايه يا بني ؟

مسخور : دي يا فندم تقدم كارتون للاطفال ووساوس شيطانيه للصغار

ابليس : جميل جميل

مسخور : وقدرنا يا فندم نوصل عدد حالات الزواج العرفي الى 9235 حالة في الدقيقة ..

إبليس : ايه يا بني انت ارقامك كبرت كده ليه ؟؟ ده الارض اتزحمت اوي على كده والشغل فيها بقى مقرف

مسخور : هنعمل ايه يا فندم .. اكل العيش مر

ابليس : طب كمل كمل

- مسخور : من الانجازات العظيمة اللي قمنا بيها في عهد قذارتك يا فندم هو اننا قدرنا نعمل 7 شبكات كبرى لبث وسوسة معاليك صباحا بالبلوتووث ...
. وكمان قدرنا انا نجعل 70% من الشباب مدخنين كما زادت نسبة المخدرات ..
. وتسببنا العام الماضي في نشوب حرب بين دولتين اسلاميتين وده طبعا بفضل منهج سيادتك اللي علمتهولنا في كلية التفريق و التغريق وبفضل مساعدة اعواننا من بني ادم المخلصين
. كمان وصل عدد الكباريهات الى 7 اضعاف عدد الجوامع
. كمان اصبحت هذه الجوامع لا تقيم الصلوات الا باتنين تلاته بيصلوا في صلاة الفجر

- ابليس : طيب ودول سايبينهم ليه .. مش عارفين ان دول خطر ؟؟

- مسخور : يا فندم متقلقش كلفنا قناصين من عندنا يصطادهوم في الرايحه وفي الداخله وفي كل ركعة عشان يبوظوا عليهم الصلاة وكمان يا فندم استطعنا العام الماضي بتفريقهم وجعل بعضهم يكفر الاخر

. وكمان أصبح يوم الشاب المسلم ملئ بالخناقات من اجل ماتشات الكوره
. وقدرنا نعري حوالي 90 % من بنات الارض
. كما انه ارتفعت معدلات الرشوة والقتل والربا و نصب والاحتيال والكذب وشهادة الزور بشكل ملحوظ

ابليس : يعني يا بني كله تمام ؟؟ ولا فيه مشاكل ؟؟

- مسخور : لا يا فندم
كل شئ تحت السيطرة

كأس العالم ده كاسنا

كأس العالم ده كاسنا

المكان : جنوب افريقيا ..
الزمان : 2010
الحدث : فوز مصر بكأس العالم ..
مصر : خروج ملايين الجماهير و هى فى حالة من الذهول الشديد .. الشوارع كلها مكتظة بالشعب و البيوت خاوية .. و الناس ماشية مش عارفة هيه بتعمل ايه ..
و اعلام مصر بترفرف حتى تتخيل ان البلد استخدمت كل القماش اللى عندها و عملت بيه اعلام ..

الناس بتفتكر و هيه فى حالة من الذهول .. مصر كسبت البرازيل 3 – 0 و باقدام زكى و عبد ربه و زيدان و كالعادة فشل متعب فى احراز اى جون بعد حالة من النحس مستمرة من 2006 .

الناس بتفتكر مشوار مصر فى البطولة .. محدش قدر يوقف الوحوش عمرو زكى وعبد ربة و زيدان و بوتريكة .. و كان تساؤل الجماهير .. يا ترى مين وراهم !!

مصر حققت اروع انجاز ممكن يتحقق فى تاريخها الكروى ..برغم ان البداية كانت مقلقة جدا حيث تعادلت مع منتخب استراليا 2 – 2 الضعيف كرويا .. و بدأت الاستديوهات التحليل فى تأهيل الشعب المصرى للخروج المبكر و بدأ مذيعو القنوات " اعضاء اتحاد الكورة الاغريقى " فى الحديث عن الخبرة فى كأس العالم و لازم نلعب كتير الاول فى كأس العالم و نتعود .. يعنى موت يا حمااااااااااااااار !!!

و جاء الرد من السماء على هذة الاستديوهات التخليلية " لما يحدث فيها من عك كروى فظيع " و جاء اللقاء الذى تنتظره الجماهير بأكملها ليشاهدوا منتخبنا و هو بيلعب مع منتخب انجلترا .. و طوال 90 دقيقة الناس مكنتش مقتنعة ان الاعيبة اللى بيلعبوا حلو اوى دول و لابسين ابيض و كسبانين دول المنتخب .. الناس قاعدة تقول يا جماعة هو المنتخب لابس ايه !!!!

و جاء اللقاء الاصعب مع منتخب عربى شقيق , و كان لقاء لابد لاحدهما من الفوز حتى يصعد مع منتخب انجلترا . و بدأ اللقاء بسقوط احد اللاعبين لاداء المشهد المعتاد لكن تأتى الرياح بما لا تشتهى السفن , فأدرك الحكم المحاولة لينال اللاعب انذار , فيقوم يجرى ناحية الحكم ليحتج و لا يدرى انه بكده اثبت للحكم ان قراره كان صحيح ..

و تسير المباراه على طريق التعادل , و من هجمة مباغته للمنتخب يحرز المنتخب اول اهدافه و قبل المباراه بعشر دقائق فقط .. لتتحول المباراة من مشهد سينمائى يتسابق اللاعبين السقوط .. حتى لتتسائل هل هذا فيلم السقوط .. فقد سقط طوال المباراه جميع الاعبين .. و لم يتبقى غير المدير الفنى و المدرب !!!

و هكذا تأهل المنتخب و كان القدر رحيما به .. فصعد فريق السويد ليتقابل مع المنتخب المصرى .. و فازت مصر بعد اداء رائع .. و هكذا استمرت مصر لتقابل منتخب فرنسا , و اصاب منتخب مصر هدف فى الدقائق الاولى من الماتش , و حاول الفريق المصرى حتى استطاع فى الدقيقة 94 من احراز التعادل ليحتكم الفريقان لوقت اضافى ليحرز المنتخب هدف الفوز و تصعد مصر مع احسن ثلاثة فرق فى البطولة .

وخرجت الجماهير و هى لا تعلم ماذا يحدث , فالوصول لكأس العالم كان غاية المراد من رب العباد , و لكنها الان ترى فريقا لم تكن تحلم به من قبل .

و بدأت الجماهير تحلم بكأس العالم , وعادت استديوهات التخليل ليؤكدوا انهم كانوا واثقين ان الولاد حيرجعوا بالكاس ,و ان مستوى مصر يضاهى مستوى اقوى الفرق , و طبعا عشان الدورى المحلى بتاعنا الرهيب و السبب التانى اللى لا يقل اهمية عن الاول ان البطولة فى افريقيا و عيب الكأس يطلع بره .

و اصبح امام المنتخب 90 دقيقة فقط امام منتخب الارجنتين لكى يحلقوا الى المباراه النهائية امام منتخب البرازيل , و قدم الاعبين كل ما يستطيع الانسان ان يبذله حتى كنت تحس انهم مش معقوله 11 لاعيب بس .

و صعدت مصر للمباراه النهائية ... و فازت مصر 3 – صفر .. و شعرت ان مصر كلها فرحانة ..و حسيت بأيد بتخبط عليا

و تخبط ..

" مش حتراجع حاجة قبل ما تروح الامتحان "

و صحيت اكتشفت انها كانت تخاريف طالب ليلة امتحان .. و قمت مسرعا عشان اراجع على المنهج اللى طار زى كأس العالم بالظبط ..

تمت...

ملحوظة : البوست ده اتكتب من حوالى شهرين ..

:D

إلى كل مطحون في تالته حديث .. صور المايكرو

السلام عليكم ورحمة الله وبركاته

دي صور ال spots بتاعت سكشن المراجعه كلها يا جماعه بتاعت المايكرو
بس انا كنت مصور كل السكاشن اللي قبل كده فهجيبلكم بردو الصور بتاعتها
بس المهم خدوا دلوقتي الـspots بتاعت المراجعه

هنا اهيه

الصور مضغوطة فلو معندكش WinRar أو أي برنامج فك ضغط
ياريت تنزله
من هنا

طبعا اللي عاوز ينقلها في اي حته براحته بس ياريت يذكر المصدر

بجد يا جماعه بقى ادعولي عشان شيت المايكرو الخميس الجاي وانا بهرج جدا

له أوجة متعددة .. إنه الضحك على الدقون

RTC

حمزة : السلام عليكم ورحمة الله وبركاته .... السادة المشاهدين والمستمعين :مرحبا بكم ... هذه التدوينة مشتركة ... سيكتب لكم فيها حمزة وحاسومي معا ... أما عن سبب التدوينة فهو ما وجده بعض طلاب كلية الصيدلة عقب انتهاء الملتقى التوظيفي الرابع الذي أقيم في كليتهم المصونة .... ما وجدوه هو صندوق كبير ملقى على الأرض ملئ بالسفيهات بتاعت الناس اللي قدمت -- ملحوظة أخرى : التدوينة بها فيديو لهذا الصندوق وصور لسيفيهات كانت مرمية على الأرض ..

اتفضل يا حاسومي:

حاسومي :

كان فيه بوست قديم جدا يا حمزة
و انا بتكلم فيه عن الاعلانات العقيمة اللى بتوهم الناس
اعلان عن منتج لعلاج الكبد
و اعلان عن منتج لعلاج الصلع حتى و لو كان السبب مشكلة وراثية او هرمونية او بدانجانية ..
و اعلان تانى ..اقل ما فيه اعلان سخيف
و تلاقى واحد يقولك .. اتصل الان على خط تفسير الاحلام
و كأن الناس خلاص فاضية موووووووووت
و مش لاقية غير الاحلام تروح تفسرها
و تلاقى اعلان تانى .. يقولك رنتك باسم حضرتك
او اعلان تانى يكلمك عن خط الاكل
اه عن الاكل
يعنى لو ست عايز تتعلم اكله .. تتصل و تاخد الوصفة
ده غير طبعا الاعلانات القديمة جدا بتاعه
المسابقة السحرية
مين هو اللى بيدرب منتخب مصر و اسمه حسن شحاتة
بقى فيه ناس مهمتها ازاى تخدع الناس
ازاى تستغلك عشان هيه تنجح
بصرف النظر عن اى مبادىء او اخلاق
لمجرد ان ده حيجيب حبة فلوس
و فى ستين داهية انت مش مهم
اصل انت اللى مغفل
و القانون بيدلع المغفلين
من اول ما جيت الكلية و انا اسمع عن كورسات عجيبة
كورس عن مستحضرات التجميل
و كورس عن الاعشاب
و كورس بيعلّمك ازاى تخش على الانترنت
لدرجة ان فى الفترة الاخيرة يعنى حوالى من اسبوعين كده
كان فيه حوالى خمس اكشاك " عذرا لانى مش لاقى لفظ تانى احسن من كشك " .و كلهم بيعملوا دعاية عن كورسات ..
لدرجة انى و انا فى الطريق فكرت انا و حمزة اننا نعمل كورس
:D
و حمزة قالى ان الموضوع سهل موت
كل الموضوع اذن من رعاية الشباب .. و خلص الفيلم
و اجنى الارباح
موضوع ملتقى التوظيف اللى كان فى الكلية يوم التلات و الاربع
ناس و همه ماشيين بمنتهى البراءة
لقوا كرتونة فيها سى فى
بتاعه ناس كتيرة و بمنتهى البجاحة
مش يرموها بره
لأ .. جوه الكلية
يعنى متأمر و *******
و سمعت جملة جامدة جداا
و انا واقف مع اصحابى .. و بنبص فى الورق المرمى على الارض
لقيت واحد بيقول
" شركة _____ اتصلوا بينا بعد ما مشيوا .. و قالولنا انهم نسيوا الكرتونة بتاعه السى فى .. "

ههههههههههههههههههههههههههههههههههههههههههههههههههههههههههههههههههههههههههههههه

انا رحت بصيت ورا و قولتله
ايه ده .. نعم

!!!!
تانى كده
راح مردد نفس الجملة
قولتله .. همه نسيوا ازازة حاجة ساقعة و لا علبة مناديل مثلا
راح رادد و بمنتهى الحزم

" ما هو اكيد همه مش دافعين 12 الف جنية كده "
قولتله ما همه بالفعل عملوا دعايا و ما شاء الله حلو اوى
و انتهى الحوار
يمكن ده من رحمة ربنا ومن نعمته عليا
لحسن كان يقول جملة تانية

كان ممكن يقولى .. اصلهم مش قدروا يشيلوا الصندوق

او مثلا الدنيا ضلمت عليهم و يا عينى الصندوق تاه منهم

او يمكن كان يقولى

همه قالوا يسيبوا الصندوق اسبوع لحد ما عدد السيفات تكتر
و طبعا مكانوش حيسيبوا الموضوع
كان اليوم اللى بعد حيبعتوا عربية زبالة كبيرة تشيل الكراتين كله

ا
:D

و عمار يا ست فايذر

نترككم الآن مع الفيديو الممتع الذي يحتوى على الصندوق المرمي في الأرض المليان سيفيهات

حمزة : معلش يا جماعه أعذروني أنا هاضطر أقول اسم اللي قلنا ان شركة فايذر نسيت علبة السيفيهات ( كأنهم نسيوا علبة مناديل مثلا ) --- مع ان حاسومي مش موافق اني اقول اسمه

هو اللي قالنا كده : علاء سعد

أحد المسئولين عن أسرة الـ ( ك ) و أحد منظمي لجنة

الـ RTC

من الجدير بالذكر أيضا :

إننا لما سألنا واحد من لجنة الـ ( أي تي ) في ال ( الآر تي سي ) عن حكاية الصندوق المرمي قال :

طب ما هو ده معروف وبيحصل كل سنة

أترككم مع الصور الخفيفة اللطيفة للسيفيهات المرمية على الأرض ( ياريت لو لقيت سيفيهك فيهم متزعلش )

كل سنة وانتو طيبين

وإلى اللقاء في العام القادم

تدوين تراكمي ...( انماط شخصيات - من عيوبي - مما تعلمته )

ملحوظة / التدوينة عباره عن تراكمات كنت حابسها لكن هطلعها دلوقتي لأنه مفيش مكان ليها تاني عندي ...

التدوينة /

أثناء تعاملك مع الناس حتما ستجد أنماط مختلفة من الأشخاص كما سأذكر لكم :

ستجد الشخص الخبيث الذي يتصيد لك خطأ

وستجد الشخص الذي لا يعرفك إلا لمصلحته

وستجد أيضا من يقول لك :" أنا أثق فيك جدا " ... أو "أنت متعرفش انا بحبك قد ايه" ... وتكتشف بعدها أنك عندما تنهي ما قد طلبه منك وما تفعله انت له تطوعا و لربما يكون ردا منك عن كلمته الرقيقه التي قد قالها لك ... تجد هذا الشخص بعدها قد يقول لك : "انت متهمنيش "... او " هو انت عملتلي حاجه " ....... سبحان الله ..... تجد أيضا هذا الشخص كلامه معك ( قبل ان تنهي له مراده ) عن الإيمان .. وعن التنمية .. وعن التطوير .. وعن نزعة الشحنات السلبية التي يصاب بها الشباب وكيف نحلها ... وعن كيفية تغيير العالم ...... لكن طبعا بعد ان انتهى منك ذهب لغيرك يكرر كلامه .... وعندما يراك في ساحة الكلية قد لا يسلم عليك ...على العموم اتوقع لهذا الشخص كمية من العداوات كفيلة بالقضاء على مستقبله بالإضافة إلى زوجة تعكر عليه حياته وتطلع عليه البلا الازرق ( الا همه ليه سموه ازرق .. انا بحب الازرق ... ماعلينا )

وستجد أيضا الذي تشترك معه في عمل معين ....وتجده قبل اللحظات الأخيرة لعرض العمل على الجمهور يغير أشياء من دماغه ويقولك : " مانتو بتغيروا من ورايا " على الرغم من انه ليس له الحق في التغيير اصلا ..

ستجد حتما هذا الشخص ايضا : شخص لا يفعل شئ ... ( مدير عام -- بل هو رئيس مجلس اداره وتدبير شئون الكون ) يجلس على الكرسي ويتركك " معكوك " ليأتي إليك بعد ان انتهيت ليقول لك : الشغل ده زفت على فكرة ... ومن العجيب أيضا انك قد تجده يتعصب عليك ويتنرفز ويتزرزر .... سيبه وامشي :D

اكيد ستجد مديرا من نوع اخر ... ولكنه لا يتعصب عليك بل هو يطرح اراءا هي في رأيي (( حمقاء )) ..... ثم عندما يرى لك خطأ أو غلطه يقول لك : " شفت مش قلتلك نعمل كزه وانت مسمعتش كلامي "..

اه ... ستجد ايضا الذي يسرق مجهودك امامك ... بمعنى انك قمت بشئ ... وسأله الناس عليه .... فيقول بكل بجاحه : " انا اللي عملته " .... في هذه الحاله انصحك ان تؤيد كلامه ... وتبدأ تسأله : من أين استوحيت هذه الأفكار الجبارة .... فأنت عظيم ... ؟؟!!!

نسيت ان اذكر لكم جزء من التراكمات داخل نفسي : هو انك تعود نفسك ان تتعامل مع عالم مبتفهمش .. او بمعني اصح عالم لم يطرق الابداع باب دارهم من قبل ... او بمعنى اصح ضحايا التعليم المصري الذي جبلوا على الحفظ لا الفهم

ربما يكون هؤلاء من الدكاتره او من رؤساء اقسام الكليات ... لا تقلق ولا تنزعج ... ففي بلادنا المصونة بقدر ما تحفظ بقدر ما ترقى ... بقدر ما تحافظ على الروتين بقدر ما تنال شرف التعيين

وربما ايضا تجد هذا الـ......... يكلمك وكأنك شخص حقير ..... لم هذا الغرور لا ادري .... او لم هذا التعامل ... لم لا يكن هذا البني ادم سهل لين طلق متواضع ينحني ليستمع اليك عندما تتكلم يرد عليك باهتمام .... ما اكرمك يا رسول الله ص ... يقول للرجل الذي كان يرتبك امامه وترتعد فرائصه : هون عليك فإني لست بملك إنما أنا ابن امرأة تأكل القديد

_ _ _

من عيوبي اني في كثير من الاحيان اغضب سريعا ... وهذا ما اتوقع ان يضر بي اذا لم اقلع عنه في القريب ... وهذا الغضب اعتقد ظاهر في التدوينه هنا وعارف انه لو الاشخاص اللي ذكرتهم هنا او لمحت على شخصياتهم قروا الكلام ده مش هيعرفوني تاني .... بس بيني وبينكم : يلا في داهيه :D

_ _ _

مما تعلمته :

اذا وليت امر فريق اعلم ان طاقة فريقك تكمن في الحافز ... بقدرما حفزت من معك ستجد منهم عملا وبحثا عن حل للمشكلات .... اذا لم تحفزهم ستجد منهم الانماط اللي ذكرتها في الاول دي .

life is like a chocolate piece

أبدأ في أكل قطعة الشوكولاته والتي كنت أظن أنها تفوح منها رائحة السعادة والتي كانت تستهويني دائما .... والتي كنت أحسب أن في طعمها متعة الكون ولذة التاريخ

في بدايتها كنت في الــ

stimulation state

والذي ابتدأ منذ أن بدأت في التفكير في شراء هذه القطعة من الشوكولاتة

الى تناول اول قطعة في فمي

ثم جاءت الــ

concentration state

والتي لم تستمر الا لبضع ثواني والتي كان فيها حقا متعة أكل الشوكولاته

ومن بعدها جاء الـ

semi-saturation period

والذي يعبر بقدومه عن انتهاء قطعة الشوكولاته

ثم ... مرحلة من النسيان أو الفقدان وبها كان عقلي يقول لي :

انتهت الشوكولاته .... سحقا

وتذكرني ساعتي البيولوجية ان وقت اكلها لم يدوم الا لدقيقة او دقيقتين

هكذا هي المتع الدنيوية

لا تدوم الا للحظات قليله ثم ننساها

هذه هي الدنيا

الى زوال

/
/
/

حمزه

بعض ٌ مما قد قيـــــل

سُكارى

حينما يتصالح سكارى الحانة ويتشاجر أهل المسجد حتما ستكسر المئذنة ويرتع السكارى في المحراب ... فهلا نعي ؟؟

---------------------

طبائع النفوس

إن طبائع النفوس تتفاوت تفاوتا كبيرا لدى الأزمات العضوض . منها الهش الذي سرعان ما يذوب ويحمله التيار معه كما تحمل المياه الغثاء والأوحال .

ومنها الصلب الذي تمر به العواصف المجتاحة فتنكسر حدتها وتتحول رغوة خفيفة وزبدا .

أجل .. من الناس من يهجم على الشدائد ليأخذها قبل أن تأخذه ومنهم من إذا مسه الفزع طاش لبه فولى الأدبار وكلما هاجه طلب الدنيا وحب البقاء وأوغل في الفرار .

فأيهم أنت ؟

---------------------

لذتين

للكسل لذة يتحدث عنها العجزة والقاعدون

وللعمل لذة يعرفها أولو النجدة والباس ويبلغون في ظلها أهدافهم القصية

و شتان بين هذه وتلك .

---------------------

حكمة

لا تحرص على كل شئ فتفقد كل شئ

--------------------

حين التغيير

الإنسان حين التغيير يصبح هو قطعة الرخام وفي نفس الوقت هو النحات

فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .

---------------------

صناعة الألفاظ

صناعة الكلام تجعل الأصحابها يهتمون بالبديع والزخارف أكثر مما يهتمون بالحقائق

--------------------

رجال لا تهزمهم المفاجآت

إن المرء قد تفجؤه أحداث عابرة وهو ماض في طريقه يحتاج في مواجهتها لأن يستجمع مواهبه وأن يستحضر تجاربه وأن يقف أمامها حاد الانتباه مرهف الأعصاب . وهذه الامتحانات المباغتة أدق في الحكم على الناس وأدل على قيمتهم من الامتحانات التي يعرفون ميعادها ويتقدمون إليها واثقين مستعدين .

--------------------

خضوع

لا حاجة لاستعمال العصا إذا كانت الإيماءة بالعين تكفي

-------------------

فضل الأعداء

لقد استفدت من أعدائي بقدر ما استفدت من أصدقائي

فلإن كان بر هؤلاء بي قد دفعني إلى الإجادة وتطلب الكمال ، فإن كره أولئك لي دفعني إلى الحذر وتوقي النصر .

------------------

في النهاية

هذه كانت بعض العبارات التي قرأتها منذ أيام .. منها ما كان للشيخ محمد الغزالي ومنها لغيره

وأقول

ليتني

أفعل ما أقول

أو

أعمل بما أعلم

نويــــــــــــــــــــــــــــــــــــــــت بارت وان

نويت و النية لله ..

.

1. بمناسبة بطولة الامم .. نويت اعمل استديو تحليلى .. حجيب فيه كل الناس اللى اعرفهم ..

عم محمد بتاع الفول .. و عم محمود البواب بتاعنا

كده الاستديو حيبقى تحفة ..

و نقعد نهرج و نفتى و ناخد قرشين حلوين ..

.

.

2. نويت اخدع الناس و اعيشهم فى الوهم .. دى اعشاب لعلاج الكبد .. و دى لعلاج السكر و دى بقى الوصفة السحرية .. شاملة كل حاجة .. حتخليك بطل .. و لو كنت اصلع و معندكشى شعره واحده .. علاجك عندنا ..

" احنا يا جماعة اكتشفنا المنتجات دى .. عن طريق كبار الخبراء بتوعنا .. بصراحة كنا شاكين فيهم .. حسينا انهم بيهرجوا .. بس بعد الاختبارات الفظيعة اللى اجروها .. قلنا نعمل المشروع ده عشان الام الناس بتعذبنا " ناس مزعجة ".. و لثقتنا فى المنتج بتاعنا .. "

.

.

3. نويت اعمل قناتين او مجموعة قنوات .. خمسة هلس .. " خمسة عشان العين الزبالة " و واحدة دى بقى حتدافع عن الاسلام .. لازم ندافع عن الاسلام ..

الله اكبر ..

و حنجيب فيها كل الشيوخ و العلماء الاجلاء ..

و كده يبقى كل الناس عندنا ..

اللى عايز الهلس .. ييجى عندنا و اللى عايز الدين عندنا ..

هوه ده التنوع ..

.

.

4. نويت اغنى .. و اتفقت مع صاحب القلم الرفيع .. رجل البلاغة ... خليل هيافة ...

قولتله .. انا اكتر حاجة بحبها فى الدنيا دى ..

المخلل ..

اكتبلى حاجة عن المخلل ..

.

.

5. نويت بعد ما ربنا يوفقنى فى اغنية الهلس .. " ادعولى يا جماعة "

اؤدى دورى تجاه الوطن ..

حعمل كمان اغنيتين ..

واحدة لمصر .. عشان مفيش كلب يقول عنى انى مش وطنى ..

و التانية دى .. للرسول .. علية الصلاة و السلام ..

و الحمد لله .. كان واحد جاى من السعودية .. قلتله استنى

هاتلى جلابية بيضة .. و اكبر سبحة عنده ...

و احتمال اركب دقن لو لقينا دقن تليق ..

امال حغنى الاغنية ازاى ..

.

.

موقفين اتنين ..

فيه مواقف .. الواحد بيشوفها ..

لو عاش بعدها ميت سنة .. عمره ما حينساها ...

النهاردة بقى معايا موقفين ..

واحد عادى بنشوفه كتيير ... بيعبر عن حاله الاستهبال ..

:D

و التانى .. ممكن يعبر عن حالة

استهبال برضة .. بس

حتعرفوا ان الاستهبال بقى انواع اليومين دوووووووول ..

و فيه حاجة common

و هيه ان الموقفين حصلوا و انا بزور بلدنا بقى ..:D

الاول ..

زمان و انا صغير ..

متعودين نسافر البلد عندنا كتييير

و انا فى العربية فى الطريق

و ايام انتخابات مجلش الشعب لقينا يافطة كبيييرة مكتوب عليها

" ابناء ***** فى فرنسا يبايعون

الوزير**** "

و بعد كده مرت السنين ..:D

و جت الانتخابات الاخيرة ...

و لقينا اليفط زادوا ...

بقت ابناء **** فى المانيا ..

و كمان برضة ابناء ****** فى القاهرة

:D

و طبعا اكييد .. ان الناس بتوع الدايرة همه اللى مجمعين من جيوبهم ..

ان لم يكونوا مش لاقيين ياكلوا خالص .. بس استلفوا و باعوا اللى وراهم عشان يعملوا اليفط دى ..

يعملوا ايه طيب ... ؟؟

بيحبوا النايب بتاعهم .. :D

اللهم ارزقنا حبه و حب من يحبه ..

اميين

:)

يا رب ارحمنى بقى قبل ما الانتخابات اللى جاية تيجى ..

:(

..............................................................................................

الموقف التانى ..

زى ما بيقولوا حدث بالفعل ..

مدرس .. صحى الصبح .. لقى والدته تعبانة و شبة فاقدة الوعى ...

فكّر شوية .. لقى ان مش عنده اجازات و مش حيقدر يتأخر لحد ما يروح معاها لاقرب مستشفى ..

فقال خلاص .. اخواتى حيقوموا بالازم ..

المهم راح مشى و راح المدرسة عادى خالص ..

و على الساعة 10 كده كلموه فى المدرسة .. قالوله البقاء لله ..

يا رب تكون والدته دى فضلت غايبة عن وعيها .. عشان متشوفشى ابنها قد ايه ساب الدنيا علشانها ..

يا ترى هو ضميره عامل ازاى دلوقتى ..

هل هو حاسس اساسن دلوقتى بحاجة ..

فية شوية احساس بالذنب و لو بسيط ..

و لا يا ترى بيقول لنفسه او بمعنى اصح بيبرر لنفسه ..

" يا عم خليك مؤمن .. دى الاعمار بيد الله "

فيه جحود اكتر من كده ..

هل يا ترى لو كان واحد صاحبة او مراته جرالها كده .. كان برضة حينزل و يروح المدرسة ..

سبحان الله ..

.......................................................................

للاسف المواقف دى حصلت بجد ..

الاول .. ده عادى بيحصل كتيير و فى كل حته ..

الموقف التانى حصل يوم الخميس اللى فات ..

ربنا يهدينا .. امييين ..

فقرة إعلانيه

السلام عليكم زوار المدونة الكرام

الاعلان

حفاظا على التركيز وعدم التشتيت

قررت أن أنقل فرعي الاخر ( صور من تاريخ الارض ) الى هنا

معنى ذلك اني مش هاكتب خارج

our dreams

---

الحاجه التانيه

حاجه مفرحه الى حد ما

هي اني بعد ما اشتركت في خدمة جوجل اناليتيكس

وجدت ان للمدونة زوارا من امريكا الشماليه والكويت وكانت اكثر الزيارات طبعا من مصر

( خدمه جوجل اناليتيكس فضلتها عن العدادات اللي بتتحط في الجنب لأني انا بس اللي هاشوفها انا و حاسومي لاني بعتله تقرير عالميل وبعدين فيها حاجات مفصله اكتر وانا لسه بستكشفها يوما بعد يوم )

ممكن كل شهرين انقلكو اخبار من داخل جوجل اناليتكس .. يعني اكتر زائر كان مين .عدد الزيارات بيزيد ولا بيقل .. الحاجات دي يعني

----

الحاجه التالته

كان فيه تاج عند اختنا هارت اوف اوشن انا مش ناسيه والله بس هاحاول اجاوبه في أسرع وقت ممكن

----

الحاجه الرابعه

طالب منكو خدمه صغيره

لو حد وجد حاجه عالنت ليها علاقة بالدعايا و الاعلان او الخط العربي او الادارة والتسويق يبعتهالي على

7amza.online@gmail.com

او يحطلي لينكها في الكومنت لو هي حاجات صغيره

دمتم في أمان الله

ونسألكم الدعاء

والمزيد من الاقتراحات

:)

Bibliotherapy

الببليوثيرابيا

أو العلاج بالقراءة

إنه عنوان إسترعى انتباهي أثناء تصفحي الانترنت

هل سمعتم بهذا النوع من العلاج من قبل ؟؟

لعل أول ماتريدون معرفته هو تعريف هذا العلم او العلاج

انه علاج مماثل تماما للجراحة والادوية ...
فقد أثبتت الدراسات الحديثة والتركة التاريخيه ان للقراءة دور فعال مثل الدواء ونعلم انه في مستشفيات امريكا حاليا قسم خاص اسمه الببليوثيرابيا وهذا القسم يهدف الى انتقاء المواد المقروءه للمرضى حيث يهدفون الى توصيل شعور او احساس معين بداخل المريض .... ومن فضائل العلاج باستخدام الكتاب أن هذا يوفر للقارئ "شماعه" يعلق عليها القارئ المريض مواقفه وحياته ...فأنا أقرأ كتابا وأحس بأشياء وأنت تقرأ نفس الكتاب وتحس بإحساسات مختلفة تماما فبهذه الطريقه يبدأ المريض بسرد الاحداث والمشاكل والكوامن الداخليه الى صديقه الجديد الذي لن يكشف سره ابدا....

لنأخذ لمحات من تاريخ هذا العلم ... ولنبدأ بكاتلين جونز ...

برزت كاتلين جونز في سنة1904 كأول أمينة مكتبة تقوم ببرامج ناجحة للعلاج بالقراءة في مكتبات مستشفى ماكلين في ويفرلي في ماساشوستس، ولما كانت كاتلين جونز هي أول أمينة مكتبة مؤهلة ومدربة تقوم باستخدام الكتب في علاج المرضى عقلياً فقد كانت أول من فتح الباب لجعل الببليوثيرابيا فرعاً من فروع علم المكتبات والاعتراف به، ورغم توقف برنامج العلاج بالقراءة بعد ازدهار كبير في تلك المستشفى بسبب نقص المال وانتهاء عمل الأمينة الفذة في ذلك البرنامج إلا أنه يعتبر حلقة هامة في تاريخ العلاج بالقراءة .

وقد شهدت السنوات التالية مزيدا من استخدام الكتب المقدسة والكتابات الدينية الأخرى في علاج المرضى؛ وهو ما أدى إلى دعم مكتبات المستشفيات، والمؤسسات العلاجية، بمجموعات من الكتب الدينية.. هكذا بدأت أولى مكتبات المرضى

--------------

(وننزل من القرآن ما هو شفاء ورحمة للمؤمنين)

لم تأت هذه الآيه مجازا او كنايه ... بل جاءت لترسخ حقيقه كونية في النفس البشريه

فقد أجريت تجارب للعلاج بالقرآن الكريم في ولاية فلوريدا على خمسة من المتطوعين الأصحاء من غير المسلمين، ووجد أنه في 97% من تلك الجلسات كان لتلاوة القرآن الكريم أثرها على تهدئة الجهاز العصبي لديهم، ووجود تغيرات فسيولوجية لديهم تدل على تخفيف حدة التوتر رغم أنهم من غير الناطقين بالعربية

إذن لا عجب أن يكون أول أمر من الله تعالى لرسوله الكريم صلى الله عليه وسلم هو : إقرأ

إذن فـ"الروشته الإلهية" بدأت بهذا الدواء وهو إقرأ

لذا أوصيكم بالقراءة خيرا ...

في النهاية

أحب أن أقول أن الكلمة المكتوبه هي أعظم إنجازات البشرية ... وهي ميلاد كل حضارة ... وهي حرث كل علم وغرس كل عمل

وأعلم أن زوار هذه المدونة من صفوة الشباب ... فحاولوا ان تكونوا من أصحاب الكلمة المكتوبة التي تصنع الرأي والفكر والحضارة

وفي أمان الله

عين المحب ...

مش عارف الواحد عنده حماس انو يكتب موضوعات كتيرة اليومين دول ... :)

بس فيه موضوع اعتقد انو مهم و ممكن يفرق كتير معاك فى حياتك اللى جاية ...

و هو

" عين المحب عن كل عيب كليلة "

كل واحد يفكر فى الناس اللى بتكون معاه فى حياته ...

هل لما الواحد بيكون بيتعامل مع شخص معين ويكون التعامل مفيهوش اى مشاكل .. هل احنا بنشوف بس مميزاتة

و مش بنشوف غير مميزاته و بس ؟؟؟

دلوقتى ... حتواجة القصة دى مع نوعين مختلفين ...

يا صاحبك او مراتك فى المستقبل ...

يا حفيظ ...:D

طب الحالة الاولى

لو كان صاحبك ..

لو ليك واحد صاحبك اتعرفت عليه و بقالكو كتيير مع بعض ...

هل مش بتشوف الا محاسنة بس و مش بتشوف عيوبة ...

ولا احنا بنبقى عارفين ... بس اوتوماتيكيا كده بنتغاضى عن العيوب عشان زى ما بيقولوا كده ...

الحياة ماشية كويس ... ليه نخلق مشكلة مع ناس احنا بنعزهم ..

طيب تعالى اصعّب عليك الفكرة شوية .. :D

و نخش فى حالة لو كانت مراتك ..

ممكن و انت جاى تختار مثلن ... بتكون حاطط مواصفات معينة ...

"تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك".


كل واحد بيختار ... يا رب يرزقنا بالزوجة و الذرية الصالحة ..

اميين

طيب ... هل يا ترى لو انت لقيت بعد الجواز انها ليها صفات بتتناقض تماما مع شخصيتك ...

و زى قول الشاعر ما بيقولك

" عين المحب عن كل عيب كليلة"

او برضة ..

" ساعة القدر يعمى البصر "

:D

ساعتها هل حتلوم نفسك و تقول انا السبب ..

و لا حتحاول تغيرها ..

و لا حتتحامل على نفسك ...

و لا حتعمل ايه ...

طيب .. ده بالنسبة للعيوب اللى انت ممكن تكون خدت بالك منها بس مهتمتشى ..

طيب بالنسبة بقى للمفاجات ..

:D

يعنى لو انت كنت فاكر انها فيها صفة ما كويسة ... و اكتشفت يأما

مفيهاش الصفة دى من الاساس و احتمال يكون عندها الصفة العكس ..

او

انها كانت بتخدعك عشان تقع يا روميو ...:D

ساعتها حيكون شعورك ايه ... و ممكن تعمل ايه ...

رجاء ... صوتوا الان ..

محتاج رأيكم لانه اكيد حيوضح الصورة لناس كتيييييير ..

:)

مدونتى الجديدة ...:)

سلام عليكم ...

مدونة سرى للغاية ...

و حتكون مختصة بأعمال المخابرات المصرية ..و مصدر الموضوع حيكون مواقع النت المختلفة ..

مدونة جديرة بالمشاهدة ...:D

لينك المدونة

http://serylelghayah.blogspot.com/

هل اصبحنا علمانيين ؟؟؟

هل اصبحنا علمانيين !!!!

-

-

-

بمعنى ... هل اصبح من المعتاد اننا نلاقى شخص ما ينتقد الدين و يقول

" لأ و الله انا وجهة نظرى ان ده مينفعشى دلوقتى ... عايزين ترجعونا زى زمااان ... للتخلف تانى "

خلاص الدين حيبقى و جهات نظر و كل واحد خلاص بقى حيفتى و خلاص ..

دا انا فيه كاتب و مفكر " كما يطلق على نفسه " اساسن لم يدرس حاجة فى الدين .. و انا اشك انو يكون بيعرف الاساسيات بتاعه الدين ...

ومش مكتفى بانه ميعرفشى ... لأ و كمان بيشوف الدين على مزاجة

و قال الكلام التالى اكتر من مرة ...

اقرى معايا كده

..

-

-

-

"وواصل*****هجومه على الأزهر قائلاً: إنه يساهم بشكلٍ كبيرٍ في تكفيرِ الناس، ويتحدث إليهم كما لو كان هو الحاكم في تمييز الكافر من المؤمن والينبغيات عن السيدة التي تضع الحجاب، وزعم أننا نعيش في قهرٍ سياسي ديني متحالف."

" وكان******قد اعتاد الهجوم على التيارات الإسلامية ومنها هجومه على مؤسسةِ الأزهر الشريف حيث اتهمها بالتخلف والرجعية، وقال إنَّ حال الأزهر لن ينصلح إلا بإعلان موقفٍ سريعٍ وحاسمٍ من موضوعٍ خلط الدين بالسياسة، مضيفًا أنه لا بد من فصلِ الدين عن الدولة وذلك خلال إحدى الندوات العام الماضي

-

-

-

من الاخر هو عايز ان الدين لا يتداخل مع الدولة ... نبقى زى تركيا كده ..

و كمان هو شايف ان الدولة مش بتاخد رد حاسم فى مواجهة الناس بتوع الازهر ...

و كأن الناس بتوع الازهر دول ناس جاهلة .. او فئة ضاله من المجتمع

هو شايف انو من الواجب التخلص منها ...

و الغريب ... ان المفتى جلس معاه مرة قبل كده فى مناظرة على الهواء فى برنامج البيت بيتك ...

و سبحان الله .. مقدرشى يفتح بقه معاه .. و المفتى ربنا يكرمه ... احرجة كتيير ..

و كمان قال على الهوا ... بدل ما المفكرين يتطاولوا على الازهر ... هو مستعد يعمل مناظرة مع اى شخص و المناظرة تكون علنية ...

-

-

-

حسبى الله و نعم الوكيل فيه و فى امثاله ...

اصل فيه حوالى 100 مفكر كمان متضامنين معاه ...

اصله كان سب رجل من رجال الدعوه فى مقال من مقالاته و الراجل رفع عليه قضية و كسبها و خد تعويض منه كمان

يا رب يا تهديه يا تاخده ...

قولوا اميين ...

your web site ??

السلام عليكم ورحمة الله وبركاته

عزيزي القارئ
إذا توفرت لك كل الإمكانات المادية والنفسية لإنشاء موقع على الشبكة العنكبوتية

ما هو تصورك لموقعك بشكل عام ؟

هل سيقدم خدمات ؟

طيب ماهي هذه الخدمات ؟

ما هي الافكار التي ستطرأ على ذهنك لكي تقدمها لزوار موقعك الكريم ؟

هل سيكون موقع عالمي مثلا أو لفئة معينة في منطقة معينه ؟

...

كلمنا عن موقعك اللي نفسك تخرجه للنور من كل النواحي اللي في دماغك

يلا فكروا ...

فذّكر ...

دا كان عبارة عن ايميل مبعوتلى ..

لقيت ان من الواجب الواحد ينشره هنا ..

ده اقل واجب ..

اسيبكم تقروه ..:)

.......................................................................................

أقرؤوها حتى النهاية ومن لم يتأثر بشيء عليه مراجعة نفسه

( اللهم صلي عليك يارسول الله )

لو سمحت أقرأها كاملة

............

قبل وفاة الرسول كانت حجة الوداع، وبعدها نزل قول الله عز وجل

( اليوم أكملت لكم دينكم وأتممت عليكم نعمتي ورضيت لكم الاسلام دينا

( فبكي أبو بكر الصديق عند سماعه هذه الآيه.. فقالوا له ما يبكيك يا أبو بكر أنها آية مثل كل آيه نزلت علي الرسول ..

فقال : هذا نعي رسول الله .

وعاد الرسول .. وقبل الوفاه بـ 9 أيام نزلت آخر ايه من القرآن
( واتقوا يوما ترجعون فيه الي الله ثم توفي كل نفس ما كسبت وهم لا يظلمون

..وبدأ الوجع يظهر علي الرسول فقال : ( أريد أن أزور شهداء أحد ) فذهب الي شهداء أحد ووقف علي قبور الشهداء

وقال :
( السلام عليكم يا شهداء أحد، أنتم السابقون وإنا إن شاء الله بكم لاحقون، وإني إنشاء الله بكم لاحق .

وأثناء رجوعه من الزياره بكي رسول الله (ص) قالوا ما يبكيك يا رسول الله ؟ قال
:( اشتقت إلي إخواني ) ، قالوا : أولسنا إخوانك يا رسول الله ؟ قال :

( لا أنتم أصحابي، أما إخواني فقوم يأتون من بعدي يؤمنون بي ولم يروني

اللهم أنا نسالك أن نكون منهم وعاد الرسول

وقبل الوفاه بـ 3 أيام بدأ الوجع يشتد عليه وكان في بيت السيده ميمونه ، فقال: ( اجمعوا زوجاتي )

فجمعت الزوجات ، فقال النبي: ( أتأذنون لي أن أمرض في بيت عائشه ؟ ) فقلن: أذن لك يا رسول الله

فأراد أن يقوم فما استطاع فجاء علي بن أبي طالب والفضل بن العباس فحملا النبي

وخرجوا به من حجرة السيده ميمونه الي حجرة السيدة عائشة فرآه الصحابة علي هذا الحال لأول مره ..

فيبدأ الصحابه في السؤال بهلع:ماذا أحل برسول الله.. ماذا أحل برسول الله.

فتجمع الناس في المسجد وامتلأ وتزاحم الناس عليه.فبدأ العرق يتصبب من النبي بغزاره،

فقالت السيدة عائشة : لم أر في حياتي أحد يتصبب عرقا بهذا الشكل . فتقول: كنت آخذ بيد النبي وأمسح بها وجهه،

لأن يد النبي أكرم وأطيب من يدي. وتقول : فأسمعه يقول :( لا اله إلا الله ، إن للموت لسكرات ).

فتقول السيده عائشه : فكثر اللغط ( أي الحديث ) في المسجد اشفاقا علي الرسول فقال النبي :( ماهذا ؟ ) .

فقالوا : يارسول الله ، يخافون عليك فقال : ( احملوني إليهم ) . فأراد أن يقوم فما استطاع ،

فصبوا عليه 7 قرب من الماء حتي يفيق ... فحمل النبي وصعد إلي المنبر..

آخر خطبه لرسول الله و آخر كلمات له فقال النبي : ( أيها الناس، كأنكم تخافون علي )

فقالوا : نعم يارسول الله ...

فقال :
( أيها الناس، موعدكم معي ليس الدنيا، موعدكم معي عند الحوض..والله لكأني أنظر اليه من مقامي هذا. أيها الناس، والله ما الفقر أخشي عليكم، ولكني أخشي عليكم الدنيا أن تنافسوها كما تنافسها الذين من قبلكم، فتهلككم كما أهلكتهم ) .

ثم قال :( أيها الناس ، الله الله في الصلاه ، الله الله في الصلاه ) بمعني أستحلفكم بالله العظيم أن تحافظوا علي الصلاه ، وظل يرددها ، ثم قال :
( أيها الناس، اتقوا الله في النساء، اتقوا الله في النساء، اوصيكم بالنساء خيرا )

ثم قال :( أيها الناس إن عبدا خيره الله بين الدنيا وبين ما عند الله ، فاختار ما عند الله )

فلم يفهم أحد قصده من هذه الجمله ، وكان يقصد نفسه ، سيدنا أبوبكر هوالوحيد الذي فهم هذه الجمله ،

فانفجر بالبكاء وعلي نحيبه ، ووقف وقاطع النبي وقال : فديناك بآبائنا ، فديناك بأمهاتنا ، فديناء بأولادنا ،

فديناك بأزواجنا ،فديناك بأموالنا ، وظل يرددها ..فنظر الناس إلي أبو بكر ، كيف يقاطع النبي ..

فأخذ النبي يدافع عن أبو بكر قائلا :( أيها الناس ، دعوا أبوبكر ، فما منكم من أحد كان له عندنا منفضل إلا كافأناه به ،

إلا أبوبكر لم أستطع مكافأته ، فتركت مكافأته إلي الله عز وجل ، كل الأبواب إلي المسجد تسد إلا باب أبوبكر لا يسد أبدا ) وأخيرا قبل نزوله من المنبر .. بدأ الرسول بالدعاء للمسلمين قبل الوفاه كآخر دعوات لهم ،

فقال :( أوآكم الله ، حفظكم الله ، نصركم الله ، ثبتكم الله ، أيدكم الله ) .. وآخر كلمه قالها ،

آخر كلمه موجهه للأمه من علي منبره قبل نزوله ،

قال :( أيها الناس ، أقرأوا مني السلام كل من تبعني من أمتي إلي يوم القيامه ) . وحمل مرة أخري إلي بيته.

وهو هناك دخل عليه عبد الرحمن بن أبي بكر وفي يده سواك، فظل النبي ينظر الي السواك

ولكنه لم يستطيع ان يطلبه من شدة مرضه. ففهمت السيده عائشه من نظرة النبي،

فأخذت السواك من عبد الرحمن ووضعته في فم النبي، فلم يستطع أن يستاك به، فأخذته من النبي

وجعلت تلينه بفمها وردته للنبي مره أخري حتى يكون طريا عليه

فقالت : كان آخر شئ دخل جوف النبي هو ريقي ، فكان من فضل الله علي أن جمع بين ريقي وريق النبي قبل أن يموت

.تقول السيده عائشه : ثم دخل فاطمه بنت النبي ، فلما دخلت بكت ، لأن النبي لم يستطع القيام ،

لأنه كان يقبلها بين عينيها كلما جاءت إليه .. فقال النبي :
( ادنو مني يا فاطمه ) فحدثها النبي في أذنها ، فبكت أكثر . فلما بكت قال لها النبي :( أدنو مني يا فاطمه ) فحدثها مره أخري فياذنها ، فضحكت ..... ( بعد وفاته سئلت ماذا قال لك النبي ، فقالت : قال لي في المره الأولي :( يا فاطمه ، إني ميت الليله ) فبكيت ، فلما وجدني أبكي قال :( يا فاطمه ، أنتي أول أهلي لحاقا بي ) فضحكت . تقول السيده عائشه : ثم قال النبي :( أخرجوا من عندي في البيت ) وقال :
( ادنو مني يا عائشه ) فنام النبي علي صدر زوجته ، ويرفع يده للسماء ويقول :
( بل الرفيق الأعلي، بل الرفيق الأعلي ) .. تقول السيده عائشه: فعرفت أنه يخير.

دخل سيدنا جبريل علي النبي وقال : يارسول الله ، ملك الموت بالباب ، يستأذن أن يدخل عليك ، وما استأذن علي أحد من قبلك فقال النبي :( ائذن له يا جبريل )فدخل ملك الموت علي النبي وقال : السلام عليك يا رسول الله ، أرسلني الله أخيرك ، بين البقاء في الدنيا وبين أن تلحق بالله فقال النبي ( بل الرفيق الأعلى ، بل الرفيق الأعلى )

ووقف ملك الموت عند رأس النبي وقال : أيتها الروح الطيبه ، روح محمد بن عبد الله ، أخرجي إلي رضا من الله و رضوان ورب راض غير غضبان ...

تقول السيده عائشه: فسقطت يد النبي وثقلت رأسه في صدري ، فعرفت أنه قد مات ...

فلم أدري ما أفعل ، فما كان مني غير أن خرجت من حجرتي وفتحت بابي الذي يطل علي الرجال في المسجد

وأقول مات رسول الله ، مات رسول الله . تقول: فانفجر المسجد بالبكاء. فهذا علي بن أبي طالب أقعد،

وهذا عثمان بن عفان كالصبي يؤخذ بيده يمني ويسري

وهذا عمر بن الخطاب يرفع سيفه ويقول من قال أنه قد مات قطعت رأسه، إنه ذهب للقاء ربه كما ذهب موسي للقاء ربه وسيعود ويقتل من قال أنه قد مات.

أما أثبت الناس فكان أبوبكر الصديق رضي الله عنه دخل علي النبي واحتضنه وقال :
وآآآ خليلاه ، وآآآصفياه ، وآآآ حبيباه ، وآآآ نبياه . وقبل النبي وقال: طبت حيا وطبت ميتا يا رسول الله.

ثم خرج يقول : من كان يعبد محمد فإن محمدا قد مات ، ومن كان يعبد الله فإن الله حي لا يموت ...

ويسقط السيف من يد عمر بن الخطاب، يقول: فعرفت أنه قد مات...

ويقول: فخرجت أجري أبحث عن مكان أجلس فيه وحدي لأبكي وحدي....

ودفن النبي والسيده فاطمه تقول : أطابت أنفسكم أن تحثوا التراب علي وجه النبي ... ووقفت تنعي النبي وتقول
يا أبتاه ، أجاب ربا دعاه ، يا أبتاه ، جنة الفردوس مأواه ، يا أبتاه ، الي جبريل ننعاه .تري، هل ستترك حياتك كما هي بعد وصايا رسول الله صلي الله عليه وسلم لك في آخر كلمات له ؟؟لا أدري ماذا ستفعل كي تصبر على ابتلاءات الدنيا.

.رجاء من فضلك وليس امرا ارسلها لغيرك فان الدال على الخير كفاعلة

اقول فعلا انى تاثرت بل وادمعـت عينى فعلا وانا اقرائها ..بل عشت كانى موجود فى وقت هذا الزمن اجميل ..وامشاعر الانسانيه العاليه .. جلال ســعــيــد

صور من تاريخ الأرض ....مدونتي الجديدة

السلام عليكم ورحمة الله وبركاته

جميعنا يعلم أن

أمة لا يعرف أبناءها تاريخها

لن تستطيع أن تصوغ مستقبلها

ونعلم قول ربنا : قل سيروا في الأرض فانظروا كيف كان عاقبة الذين من قبلكم

وقد قال لنا أيضا : لقد كان في قصصهم عبرة لأولي الألباب

فمن هذا المنطلق قررت أن تنطلق مدونتي الجديدة

بإسم

صور من تاريخ الأرض

بكل ما فيها من أحداث وحضارات وشخصيات وثقافات ومتغيرات

أتنمى أن أساهم بها في تكوين ثقافتكم ورؤيتكم

لازلت أجهز مواضيعي لكي أطرحها بأسلوب مقبول وغير ممل

فتابعونا

دمتم بكل خير

:)

والسلام عليكم ورحمته وبركاته

نكمل حدودتة التاج ..

حمزة ده .. صاحب الافكار النيرة .. :D

لقى حاجة نرغى فيها .. :D

بس انا مش فاهم .. ايه العلاقة بين ان الواحد يجاوب على اسئلة .. و بين التاج ..:)

اللى بيجاوب اجابة حلوة بتدوله تاج ...:D

نشوف الاسئلة الحلوة بقى ..

.................................................................................

انت مين ؟؟

مش بحب السؤال ده و غالبا كده مش حجاوب عليه ..

!!!!!!!لان مين ميعرفشى حاسومى

يعنى لو مبتقراش جرايد .. مش يتشوف تلفزيون؟؟؟

حتلاقينى دايما فى برنامج ****

نتكلم بجد بقى ..

عادى .. انا حاسومى .. الحمد لله قضيت سنتين من المده .. و ناقصلى 3 سنين .. و مش معتمدين فى الكلية عندنا مبدأ

حسن السير و السلوك .. :D

و بالتالى قدامى 3 سنين يعنى 3 سنين ..

اكتر حاجة بحبها .. شغل المخابرات .. بحس ان دول ناس دماغها عالية قوى ..

كان نفسى اكون شغال فى المجال ده ..

كنت حعمل عمايل .. :D

بس غالبا كده .. حظهم حلو اوى .. :)

و بقول .. اه لو كنت موجود مثلن فى عصر الرسول ..

بس الحمد لله ..

.........................................................

مين اكتر ست اشخاص بتحبهم ؟؟

مش معنى ستة .. سؤال غريب قوى .. :D

بص يا سيدى ..

حرد رد دبلوماسى شوية .. و اقولك انا بحب الناس اللى بتفهم ..

و بحب الناس اللى بتشتغل شغلها صح و لوجة الله ..

و بتخنق جدااااااا من الناس اللى بتحاول تعيشك فى الوهم ..

...................................................................

انت سعيد؟

الحمد لله .. بس اكييد مش على طوول ..

ساعات بكون مضايق من حاجة معينة .. و ساعات .. بكون مبسوط و الحمد لله ..

بس اكيد مبكونشى مبسوط لما افتكر كلمة كوجنسى ..

عارف شعور المرارة .. و ان زى مايكون نفسك تنتقم من حد ..

نفس شعورى تجاه الكوجنسى ..

نفسى انتقم ...:D

......................................................................................

لو اجتمعت انت وحسني مبارك في غرفة واحدة؟

ليه الاحراج ده بقى .. :)

على فكرة .. ساعتها مش حيكون قدامك اى حل غير انك تتناقش معاه بصراحة ..

بس بجد .. تعالى نفكر هل يا ترى .. ساعتها حيكون الواحد بيفكر فى ايه ..

و بدون شعارات ..

الواحد اكييد حيتكلم بحساب ..

بس اتمنى .. ان الاقى حد يقعد يتناقش معايا ..

و كفايه اوى ان الواحد يسمع حديث زى ده ..

دخل عمر بن الخطاب رضي الله عنه ــ على رسول الله ــ صلى الله عليه وسلم ــ وهو نائم على حصير ليس عليه سوى إزاره وقد أثر الحصير في جنبه ــ صلى الله عليه وسلم ــ ، ودار عمر بعينيه في بيت النبي فما وجد غير قبضة من شعير نحو الصاع وَقَرَظٍ [1] في ناحية الغرفة وإهاب معلق على الجدار ، فبكى عمر ، وناداه الحبيب ــ صلى الله عليه وسلم ــ : مَا يُبْكِيكَ يَا ابْنَ الْخَطَّابِ قال : يا نبي الله وما لي لا أبكي وهذا الحصير قد أثر في جنبك وهذه خِزَانَتُكَ لا أرى فيها إلا ما أرى ، وذلك كسرى وقيصر في الثمار والأنهار وأنت نبي الله وَصَفْوَتُهُ وهذه خِزَانَتُكَ .قَالَ ـ صلى الله عليه وسلم ــ : يا ابن الخطاب ألا ترضى أن تكون لنا الآخرة ولهم الدنيا ؟قال عمر : بَلَى

كفاية حديث زى ده .. ولا تقولى لا حمار و لا عنب ..

و كفاية ان واحد مثلن يسمعه .. و هو حيحس بالراحة ..

ربنا يهدينا و يهديهم .. اميين ..

.......................................................................................

لو معاك مليون ونص جنيه......تعمل بيهم ايه؟

بس !!!!!!!!!!!!!

يعملوا ايه فى الزمن ده ..

ده الواحد لو جاب عربية مرسيدس محندقة كده .. حيصرف بتاع 600 الف ...

بجد بقى ... يبقى الحمد لله اوى ...

الواحد ممكن يفتح بيهم كام صيدلية فى مكان محترم ...

حجيب ناس بتفهم فى الحاجات دى .. بتوع ادارة ..

و كمان الواحد حيقرى المعوذتين عشان .. القر .. :D

.............................................................................................

بتحب مصر؟

صعب اوى ان الواحد يعيش و هو مش منتمى لاى حاجة ..

اه .. بحب مصر .. احنا كويسين و الله ...

شوف حرب 73 .. حتعرف ان كل حاجة ممكنه .. بس يبقى فيه شوية ضمير ..

........................................................................................................

بتحب البنات؟

:D

.....................................................................................................

انت مسلم ؟وليه ؟

الحمد لله .. لقيت نفسى مولود مسلم ..

ليه .. لانى اتولدت مسلم ..

و لو الواحد فكر فى الموضوع بعقله حيلاقى الموضوع عقليا صح ..

ليه ...

شوف القران ... فيه معجزات و دلائل علمية ...

يا ترى الرسول عرفها منين ..

من غير اى تعصب ... فكر كويس .. حتلاقى انو

No WaY

.........................................................................................

مين اكتر شخصية ما تقدرش تستغنى عنها في حياتك؟ وليه؟

اكيد اهلى .. :)

ربنا يخليهم و يهديهم يا رب ..

اميين

..............................................................................................

ايه اكتر موقف محرج اتعرضت ليه في حياتك؟واتصرفت ازاي؟

كتيير ..

اللى فاكره حاليا .. لما شفت درجة الاحياء و انا فى ثانوى .. و حسيت ان الحياه ضاعت ..

:(

......................................................................................................

ايه الأمنية اللي بتدعي ربنا دايما انه يحققها لك؟

اللهم ارزقنى الزوجة و الذرية الصالحة .. و اهدينا .. و وفقنى ..

امييين ..

.................................................................................................

تمرر التاج دة لمين؟

لولا ان حمزة قال .. كنت حمررهوله ..

:D

خلينا مع حمزة فى اختيارة ..:)