بس فيه موضوع اعتقد انو مهم و ممكن يفرق كتير معاك فى حياتك اللى جاية ...
و هو
" عين المحب عن كل عيب كليلة "
كل واحد يفكر فى الناس اللى بتكون معاه فى حياته ...
هل لما الواحد بيكون بيتعامل مع شخص معين ويكون التعامل مفيهوش اى مشاكل .. هل احنا بنشوف بس مميزاتة
و مش بنشوف غير مميزاته و بس ؟؟؟
دلوقتى ... حتواجة القصة دى مع نوعين مختلفين ...
يا صاحبك او مراتك فى المستقبل ...
يا حفيظ ...:D
طب الحالة الاولى
لو كان صاحبك ..
لو ليك واحد صاحبك اتعرفت عليه و بقالكو كتيير مع بعض ...
هل مش بتشوف الا محاسنة بس و مش بتشوف عيوبة ...
ولا احنا بنبقى عارفين ... بس اوتوماتيكيا كده بنتغاضى عن العيوب عشان زى ما بيقولوا كده ...
الحياة ماشية كويس ... ليه نخلق مشكلة مع ناس احنا بنعزهم ..
و نخش فى حالة لو كانت مراتك ..
ممكن و انت جاى تختار مثلن ... بتكون حاطط مواصفات معينة ...
"تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك".
كل واحد بيختار ... يا رب يرزقنا بالزوجة و الذرية الصالحة ..
اميين
طيب ... هل يا ترى لو انت لقيت بعد الجواز انها ليها صفات بتتناقض تماما مع شخصيتك ...
و زى قول الشاعر ما بيقولك
" عين المحب عن كل عيب كليلة"
او برضة ..
" ساعة القدر يعمى البصر "
:D
ساعتها هل حتلوم نفسك و تقول انا السبب ..
و لا حتحاول تغيرها ..
و لا حتتحامل على نفسك ...
و لا حتعمل ايه ...
طيب .. ده بالنسبة للعيوب اللى انت ممكن تكون خدت بالك منها بس مهتمتشى ..
طيب بالنسبة بقى للمفاجات ..
:D
يعنى لو انت كنت فاكر انها فيها صفة ما كويسة ... و اكتشفت يأما
مفيهاش الصفة دى من الاساس و احتمال يكون عندها الصفة العكس ..
او
انها كانت بتخدعك عشان تقع يا روميو ...:D
ساعتها حيكون شعورك ايه ... و ممكن تعمل ايه ...
محتاج رأيكم لانه اكيد حيوضح الصورة لناس كتيييييير ..
:)
هناك ٢١ تعليقًا:
اولا فعلا باين ان احنا بنتكلم علشان بنطلع اللى جوانا قبل الدراسة و بنعمل اللى احنا عاوزينه
اتكلم فى جزئية جزئية
بيحصل مشاكل بين الاصحاب و هما عارفين بعض لية ؟
علشان ساعات الواحد مبيبقاش مستحمل ضغوط و تيجى حاجة كدا تبقى القشه اللى قصمت ظهر البعير
او
ان الواحد ميبقاش قادر اكتر من كدا
على العيب دا و خلاص
اجى على الفكرة الاصعب شوية (يا حفيظ الواحد اللى بيختار هو بيبقى عارف عاوز مواصفات اية و مبيحبش اية
و يرتب اولوياته
يعنى انا اللى اختارها لازم تكون كذا
و ياريت كمان كذا
و مبحبش كذا نهائى
و هناغ لو فيها الصفة دى لازم اسبها و ادور تانى
بس فية نقطة
لو هى فيها صفة فلانية و انا مبحبهاش بس ماشى يعنى مش حوقف الموضوع علشانها
و تيجى فى الاخر يلاقى هو نفسه مش قادر على الصفة دى
اظن هو اللى اساء التقدير و لازم يستحمل
و الحكاية دى هى بقى العمى فى اعتقادى
اما لو بعد كدا اكتشف حاجات مكنش واخد باله منها فاظن يطنش
لانها لو كانت فعلا مهمة كان خد باله من الاول او حطها فى حساباته
دا المفروض
لكن لو كانت هناك صفة و اكتشف عكسها و هى كانت مفهماه العكس بقصد
فدا غش على ما اعتقد
و ممكن يحاول يتاقلم معاه
او يسبها لانها غشته
و ممكن ميثقش فيها تانى
بس لازم تكون فى الحاله دى صفة صعبة
بس متهيالى لو الواحد بيفكر صح
و حسن النيه و موضح كل حاجة
الامور تبقى سهلة
و عامة الواحد بيخاف من المجهول
و الموت علينا حق
اتفق مع حضرتك يا دكتوره
كلام سليم
طيب حبة فضفضة بقى قبل الدراسة زي ما الدكتوره قالت
بالنسبه لصاحبك لوانت عارف انه فيه صفه مش كويسه فلازم تحاول تغيرها وتوري صاحبك عيوبه لأنه أكيد مش شايفها زي مانت مش شايف عيوبك
تمام ؟
بالنسبة للزوجه اللي هي قبل الجواز كانت كثيرا ما تتصنع بعض الصفات والافعال زي الراجل بالظبط ....همه الاتنين بيتصنعوا كثيرا و في كثير من الأحيان مش بيحبوا يظهروا مساوئهم
ولكن عاوز اقولك ان ما سكن داخل الانسان وتشبع به حتما سيظهر في فعل أو رد فعل وزي مابيقولو كده لغة الجسد لا تكذب
يعني مثلا لو هي متعودة تكدب
وطبعا دي حاجه مابتدبانش ليك لو هي بتكدب عليك
لكن ممكن وانتو بتتكلموا مع بعض ممكن تحكيلك عن موقف او اتنين او عشره هي كدبت فيهم -- وده طبعا بيبقى بصيغة هزار وتهريج مش بتحكيلك عشان تقولك انها كدابه
وطبعا ده مش معناه انك تقعد متربص لها وتحقق معاها
لأ ..صفاتها أو صفاته حتما هتبان
متقلقش
واحنا في مصر بنقعد في فترة الخطوبه متوسط عشر سنين
فمتقلقش هتكونوا كرهتوا بعض
في النهاية بس حبيت اقولك هات كده أي موقف انت اتخنقت من واحد صاحبك او من حد من اخواتك ..وحلل الموقف ....هتلاقي انه سبب هايف جدا اللي خلاك مخنوق ...او انت ممكن تكون اللي غلطان فيه ....او مثلا كانت الظروف حواليك مش كويسه فاتنرفزت على واحد واتخانقت معاه لأتفه الاسباب
وحاول تفتكر الساحه ايام الامتحانات كانت عامله ازاي
كانت الناس بتتلكك عشان تتخانق وانا اولهم
ضغوط كلها بتتجمع عليك فبتخليك تنفجر مرة واحده زي ما الدكتوره قالت : القشه التي قسمت ظهر البعير
وعاوز اقولك ان
الثقة
لازم تتوفر في كل تعاملاتك
مع صحابك في شغلك في بيتك
مش بقول الثقة العمياء ولكن حسن الظن بالناس والتماس الاعذار
اه
نصيحة ليك :
ابعد عن الكدابة واللي بتحب الفلوس
وفي النهاية:
زي مابيقولو كده
اذا اردت ان تتزوج فاطمة بنت محمد صلى الله عليه وسلم فكن أنت كعلي بن أبي طالب
والطيور على أشكالها تقع
والطيبون للطيبات والخبيثون للخبيثات
فعلينا أن نبدأ بأنفسنا
موضوع ممتاز يا حوس
:)
هامش فى البداية كدا
بتعجبنى جداً جملة تكلم لكى اراك
معناها واسع اوي وجايز يبقى له علاقة بموضوع حضرتك
طيب
بخصوص لو واحدة صبحتى اوي
اكيد بكون عارفة مميزاتها كويس جداً وعارفة عيوبها
وده لانها صحبتى ( اوي )وبالتالى بالفترض انى اكون فهمتها كويس
طيب هنا لازم افرق ما بين لو العيب اللى فيها عيب = لا يصح فعله او معصية مثلاً
اه طبعاً هحاول اسعدها انها تتخلص منها وكدا
اما لو العيب ده = تطبع معين فيها او نقيض ليا فى نقطة معينة
فهنا حاجة من اتنين هحتصل يا هنحط تحت الصفة دى خط احمر ممنوع تجاوزه فى سبيل عدم تكدير الجو العام
او انى احاول التجاوب معاه
على اى حال
اللى بيحب حد بجد بيحبه بعيوبه ومميزاته
واللى يقول غير كدا يبقى مش بيحب
على رأى اخونا صاحب مدونة ( قضية عم احمد ) البستان لا يخلو من الافاعي
...
أما بخصوص زوج المستقبل
فكل حد مننا راسم فى خياليه صورة معينة لشريك او شريكة حياته
ومواصفات والخ ..
ولكن قد تاتى الرياح بما لا تشتهى السفن
بمعنى ان كل منّا لا يخلو من العيوب
وبالتالى اذا كنت بحب بجد اظن انى هحاول اتجاوب مع الصفة دي حتى لو انا مش بحبها
طيب دى لو اكتشفتها بعد الزواج لكن لو قبله اكتشف الصفات دي ازاى
بص حضرتك دائما وابدا الطمع يغلب التطبع
اصل الانسان ونشاته بتبان فى طريقة التفكير والحديث وبعض المواقف
وعلى هذا وذاك بقرر هقدر اتعامل مع الصفات اللى انا بعتبرها عيوب ولا لاء !!
ومع ذلك عمري ما هنسى كلمة أستاذ لي
لما بصلى وقالى جملة كدا
والحقها بقوله تعالى
:" الطيبون للطيبات والخبيثون للخبيثات "
وعلى هذا ليس بأيدينا سوى الدعاء بزوج ولكن صالحاً
:)
اه نسيت اقول حاجة كمان : بقولك ايه فى المثل الشعبى مرآية الحب عمية
بس المثل ده وان كان فيه شئ من الصحة الا انه بيعتمد على نسبة استخدامى لعقلى فى القرار وخصوصاً لما يكون قرار مصيرى
وفى النهاية نيتى الاساس
يعنى انا بحلم بتكوين اسرة وبيت اكون ام وزوجة مثالية
واحاول ان نبقى اسرة بتعمل حاجة لربنا فى حياتها زى الجنود بالظبط
وعلى هذا ربنا ان شاء الله كريم وهيطلف بينا
:d
جزاك الله خيراً يا دوك
موضوع حيوي جداً
:)
اه
نسيت اقول معلش انى طولت كدا
:$
@ resonance :
طبعا ... اتكلم دلوقتى .. زى النهاردة حيكون الواحد قاعد فى محاضرة .. و غالبا حيكون اول يوم ... و نايم
...........
هو بالسبة للمشاكل ..
يعنى ممكن يكون الواحد مخنوق من حاجة ...
و اتلكك لحمزة فى اى حاجة ..
و ساعات هو بينرفزنى برضة ....
:D
اما حكايةالجواز ..
فالواحد يدعى ...
و ان شاء الله ربنا يكتبلنا الخير ..
ان شاء الله ..
@ 7ama :
المشكلة يا صديقى ...
ان الواحد ممكن ميكونشى بيفكر فى العيوب دى ...
او يكون صابر عليه
وممكن يفضل يستحمل لحد ما يفرقع ...
الاحتمال التانى
ان الواحد يكون عارف العيوب...
بس عشان بيعز صاحبه ...
عقله اوتوماتكيا مش بيشوف العيوب دى ...
او بيهملها ...
و لما تحصل مشكلة ...
اللى كان صابر... و اللى كان منفض للعيوب ..
من الممكن ينفجروا فى الشخص ده
و طبعا .. زى ما انت بتقول ...
حكايةالساحة وكانت مشاكل بتحصل بشكل غريب ..
يمكن الواحد بيكون عايز يفضفض و هو مضايق ...
فياخد الرد الفعل الغريب ده ..
ده احتمال ..
@ noha :
هيه مقولة حلوة جداا ... و معبرة ..
عشان كده كان فيه خطوبة ...
بس ده حيودينا لسؤال تانى ..
ياترى حيفضلوا مخطوبين لحد امتى ..
؟؟
يعنى هل كل ما الفترة تزيد من الممكن اهم يعرفوا بعض اكتر ...و لا لما تزيد ...
ده مش شكليا مش حلو ...
دا غير انهم مش حيفضلوا طول عمرهم مخطوبين ..
و كمان عشان ... فيه ناس بتعجبها اوى المواضيع دى ..
و بتفضل تخترع كلام و افلام مملة ..
حضرتك مطولتيش ولا حاجة ...
دا البيت بيتك ..
:)
ناس كتيييييييييييير ؟
ليه مين بيفكر يتجوز وللا اتجوز واحدة خدعته ؟:D
المهم
والله لو دارى عني - بعد الشر عليا - زوجي هذا العيب من باب الخديعة وعشان تقعي يا جولييت هتصدم صدمة قوية جدا
خصوصاً لو مكنش في مبرر لانه يداري عني
وخصوصا لو كان العيب كبير مش هايف
يعني مثلا معاذ الله معاذ الله يعني لو كان يعرف واحدة قبلي واكتشفت ذلك لاحقا انا ممكن اروح فيها
في حين لو كان قاللي من الاول ربما أغفر له هذه الزلة لو كان تاب
وبقول ربما
أما لو عيب هايف ومش هيأثر في شيء هتضايق من جهة انه خبا عليا
على فكرة عندي كلام كتير جدا عايزة اقوله
بس محتاج تدوينة لوحده اولا
ثانيا عايزة اقوم اصلي
ربنا ييسر واعرف ارد تاني
@ قبس من نور :
المشكلة حضرتك لما تعرفى انو خدعك ...
تقريبا كده اغلبنا حيفقد الثقة ...
بس هل حتنفع الحياه من غير ثقة؟؟
..............
مستنين تكمله رد حضرتك ..
:)
welcome back dr kabas
:)
طيب وليه افتراض السوء
على كل
لا يوزن المرء بمميزاته فقط ولا بعيوبه فقط ولكنه يوزن بهما معااا
:)
اولا .. اهلن بيك يا اخ وضاح ..
يمكن ده اول رد ..:)
...........
انا مش بفترض سوء نية ولا حاجة ..
لان زى كل واحد ما ليه محاسنة ... لازم ليه عيوبة ..
ممكن انا اتكيف مع العيب ده ..ز غيرى ميقدرشى ..
و ده موضوع المناقشة ..
لانك اكيد ليك اصحاب ..
و اكيد ليهم عيوب ..
ممكن تكون بتتضايق منهم و ممكن تكون بتعديها .. و ممكن تكون مش مهتم بعيوبهم ..
بس هل يا ترى .. لو لا قدر الله حصل كلاش بينكم ..
بتفتكر العيوب دى ولا ايش ..
نورتنا يا ريس ..
:)
الكلام اللى قالته قبس ورد دكتور حاسومى بالسؤال هل حتفقد الثقة ...أكيد حتفقدها بس لو الواحد مثلا بيحب قووى سواء كان الزوج أو الصديق ممكن يغفر أن نظر للحسنات الزلات
بمعنى المثل الشعبى القائل حبيبك يبلع لك الظلط :) بس لدرجة ما تتفاوت بأختلاف الشخصية
محدش يقدر يفوت لأخر العمر الغلط و الأساءة وكل حاجة بقدر
واللى أنا ممكن أستحمله غيرى ممكن ميستحملوش
ويمكن ساعات بتكون المشكلة فى الزواج ان الواحد شايف الوردى و بس مش شايف المسئولية كمان اللى عليه عشان كدا مع أول كلاش لو مخه مش كبير يقول عليا و على اعدائى و يبوظ الدنيا وكأنها علاقة ممكن تنتهى فى أى وقت مش علاقة لازم نحافظ علبها
..............
كل سنة وأنتم طيبين وربنا يتقبل منكم رمضان
@ الفجر قادم ..
:)
كل سنة و حضرتك طيبة
موضوع حلو و اول زياره ليا .. انا مع الفجر قادم ان اللى حيغفر اساءه مش حيقدر يغفر طول العمر .. و بتعتمد برضه على الموقف
كمان فى تاج حد يعدى على البلوج بتاعى ياخده ... مررته لعندكم و الله يعينكم عليه :)
http://missedletters.blogspot.com/
و تقبلوا مرورى
@ heart of ocean :
اهلن بحضرتك معانا .. :)
و ان شاء الله متكونشى اخر زيارة .. :)
اما التاج .. فانشاء الله بعد رمضان ..
حتى كان فيه تاج تاى جالى من فترة ..
فانشاء الله الاتنين مع بعض .. :)
ياااااااااااااااااه
بقالي كتير اوي مدخلتش البلوج
وحشتني بجد
بعد رمضان بقى وعليكو خير
رمضان خلص
فين الجديد ؟
اعتقد اننا فقط لو كنا كاملين .. كنا ساعتها بس طلبنا الكمال في اصدقائنا .. او مع اي شخص فيما بعد
بس احنا مش كاملين .. وكمان عارفين عيوبنا كويس اوي .. كلها .. واللي قدامنا بيتقبلها ..
علشان كده احنا كمان بنتقبل عيوبهم
انتوا فين يا دكاترة ؟
شكلوا مطحونين
:D
إرسال تعليق