شيخ وشيطانان

كان فيه اتنين شباب في سن التلاتينات تقريبا وكانوا زبالة بمعنى الكلمة

واحد اسمه عادل والتاني اسمه حازم وكانوا شغالين مع بعض في نفس الشغل وساكنين مع بعض في نفس المنطقه

المهم في يوم جيه عادل وقال لحازم انا اتعرفت على زوجة امام المسجد وهي عايزاني النهارده على العشا بس انا عايز منك خدمه

راح حازم انشكح كده وقاله : قشطه ياريس . انا عنيا ليك .

عادل قاله انا عايزك كل يوم تشغل امام المسجد وتقعد تتكلم معاه في اي تهجيص لحد ما خلص مصلحتي- لحسن يطب علينا فجأة- وأول مايخرج من المسجد اديني رنه

حازم وافق وكان اخر انبساط وايه : كل يوم يقعد مع الشيخ في المسجد بعد العشا ويشغله واول ما ييجي مروح يروح مدي لصاحبه رنه

وظل الحال لاسابيع بل لشهور

ولكن من كتر قاعدة حازم مع الشيخ اتصاحب عليه وحبه

وطبعا ( زي ما الفيلم العربي بيقول ) ان ضميره وجعه وقرر يقول للشيخ

فجه في يوم وبيقوله يا شيخنا : انا مكنتش بقعد اتكلم معاك كده لله في لله

انا كنت بستكردك ( فيما معناه يعني - هو مقالش كده للشيخ - عيب !!)

الشيخ قاله : ليه يا بني انت بتقول كده ؟!!

فحازم راح حاكيله القصة من الالف الى الياء وهو ينظر خجلا الى سجاد المسجد وكاد ان يبكي من شدة العار الذي فعله

وكان ينتظر صفعة الشيخ له على وجهه

ففوجئ برد الشيخ وهو يقول :

انا يا بني مش متجوز اصلا!!!

ترى

زوجة من كان يواعدها عادل ؟

. . . . .

القصة دي مش من تأليفي

ولكني قريتها

القصة دي ذكرتني بالحديث اللي بيقول :

البر لايبلى - والذنب لا يفنى - والديان لا يموت

افعل ماشئت

فكما تدين تدان

مواقف ..

بدايه ..

يا ريت دعوة كده لوالدتى .. عشان هيه مريضة شوية ..

شفاها الله و عفاها

امييين ...

........................................................................................

يوم الاربع اللى فات كان يوم كوميدى و ظريف ..

كنت واقف فى الصيدليه .. مش معايا اى حد ..

بيبقى فيه دكتورين المفروض واحد الصبح و واحد باليل ..

و لظروف خاصة بيهم .. الدكتور اللى بييجى الصبح بيمشى بدرى ..

و الدكتور الليلى بييجى برضة متأخر ..

:D

و بكون واقف لوحدى حوالى ساعة .. ممكن توصل لساعة و نص ..

اول ما دكتور مشى ...لقيت ناس دخلوا الصيدليه عايزين شاش عشان الواد عنده حروق ..

شـــــــــــــــاش !!!!!!!!!

يا نهار مش فايت ...مش عارف مكانه ..طب اعمل ايه بقى ..

!!!!!!!!!!!!!!!!!!!!!!طب حقولهم ايه .. مفيش شاش فى الصيدلية ..

يبقى فيه حد بيهرج ..

يا الصيدلية ... يا أنا ..

:D

بعدها بشوية ...

بنت صغيرة جت و كان معاها ورقة مكتوب فيها الدوا ..

الحمد لله عرفت الاولانى ..

جانا للتانى ..

هوه كان شراب ..و انا كنت فاكر انى شفته قبل كده

هوه راح فين ... مش لاقيه ..

و انا قاعد ابص على الرف ..راح فين .. راح فين ..

بصيت بسرعة على الرف بتاع تلت مرات ..

و كان واضح عليا المعاناة اوى ..

و فجأه لقيت البنت قاعده تضحك بشكل غير طبيعى ..

بس يا ماما .. بتضحكى على ايه ..

لقيتها قاعده تضحك زياده .

و مش قادرة تمسك نفسها ..

و الدوا مش عارف الاقيه ..

و فجأه ... لقيته ...

هييييييييييييييييييييييييييه

و بعدها بصيت للبنت الصغيرة .. نظرة

نظرة منتصر ..

:D

مش عارف الصيدلية كان مالها اليوم ده ..

كانت محظوظة على غير العادة ..

لدرجة ان لقيت انسه كمان داخلة .

كانت عايزة قطن " و طبعا انا مش عارف مكانه فين "و كانت عايزة حقن انسولين ..

جبتلها .. معجبتهاش ..

و بعدين شكلها جالها اكتئاب منى .. فقالتلى على اسم قطرة ..

والحمد لله كنت عارفها ..

:D

و بعدين قررت بما انها ساكنة قريب من الصيدليه .. انها حتسيب ورقة للدكتور باللى هيه عايزاه ..

و بعدها بتقولى فى الشقة اللى فيها قطط ..

نـــــــــعم !!!!!!!!!!!!!!!!!!!!!!

سألتها سؤال برىء اوى ..

هيه الحاجات دى للقطط ..

اه . للقطط ..

حتى القطرة للقطط ؟؟

اه ..

انا ساعتها كنت حتشل ..

يعنى بعد كل التعب اللى تعبتة

"حاولت ادور على قطن و حقن و قطرة "

و فى الاخر يطلع كل ده عشان قطة ..

اه يا مرارتى ..

انا مش معترض على القطط غير ان الاكل و الرعاية الصحية مكلفة ..

يعنى هيه كانت حتدفع فى حدود 10 جنية ..

مش اى دار ايتام اولى بالمبلغ ده ..على الاقل طفل يتيم حيستفاد بيهم ..

.......................................................................................

قصة هامه جدا..
من فترة كده .. ساعات بلاقى موبايلى بيرن ..
شخص بيدى Missed
طبعا .. يا ترى مين ده .. و بعدين الاقى نفس النمرة كل عشر دقايق رنة ..
لدرجة انى كنت سايب الموبايل بعدها بتلت اربع ساعات رجعت لقيت
9Missed calls
كان معايا ابن عمتى .. فقالى خلاص هات النمرة و انا حاقرفهولك ..
جه يديله رنة .. فلقى شخص بيرد عليه ..
لسه بيقوله مين معايا ..
لقاه راح قافل السكة فى وشة ..
فغالبا كده يبدوا ان فيه موضوه جديدة طلعت ..
تلاقى اى واحد بيجرب اى نمرة و يغلس عليها .. يمكن تطلع بنت و يغلس بقى ..
فياريت محدش يرد على نمر غريبة خالص لانه لو رد و طلعت بنت .. حيقعد يغلس عليها ..
فالاضمن ..انها تخلى اخوها او باباها هوه اللى يرد ..
او
ممكن هيه ترد بس تسيب الشخص هوه اللى يتكلم الاول ..
بس موضوع جديد ..
و غريب قوى ..

معلشى حأجل موضوع القصة التانية لان موضوعها شائك شوية ..

............................................................................................

نيجى بقى لموضوع تانى ..

بسم الله الرحمن الرحيم ..

" المال و البنون زينة الحياة الدنيا "

صدق الله العظيم ..

صورة لاطفال صغيرين و همه بيجروا و يلعبوا ...

عشان يعذبوا الناس و يقرفوهم فى عيشتهم ..

و بعدين ييجى مذيع او مذيعة ..

و تقولك بطريقة كلها استغلال ..

".........." مستحضر اعشاب جديد

من خير الطبيعة ..

ناس كتييير قبلك جربوه .. و النتايج كانت مذهله ..

متحرمشى نفسك و فقط استخدم "..............." لمده 21 يوم ..

و شوف النتايج بنفسك ..

و بعد 21 يوم ..

مبروك يا استاذ ..

مراتك بقت حامل فى الشهر الخامس ..

:D

................................................................................

مشهد اخر ..


بتكون ماشى فى الشارع و تجيلك غيبوبة السكر ..

بتشوف الاكل و مش قادر تاكل ..

" صور للاكل و لناس بتقع من طولها فى الشارع .. تخلى المريض يجيله اكتئاب "

و بعدين لقاء مع واحده تبع الاعلان ...

و الله .. انا كنت مريضة بالسكر ..

كان بيغمى عليا

كل ما افوق يغمى عليا ..

و كنت بشوف الاكل و مش قادرة اكل ..

بس بعد ما استخدمت "..................." الحمد لله .. بقيت اقدر اكل كل اللى نفسى فيه ..

...........................................................................................................

مشهد اخيـــــــــــر ...


حاولت كتييييير تخس و معرفتش ..

جربت تلعب رياضة و لقيتها مرهقة و مجبتش نتيجة ....

و صحتك باظت و سنانك وقعت ..

و عيالك اتيتمو " بقوا يتامى يعنى "

:D

دلوقتى الحل مع الحزام الهزاز ..

حيخليك تخس من غير ما تحس ..

:D

فقط استخدموا نص ساعة يوميا ..

و فى الاخر الشهر ..


حتشوف انسان تانى ..

حتلاقى نفسك بقيت هيكل عظمى ..

و ساعتها احنا حنعلفك و نغذيك من جديد ..

:D

و كله موجود ..

......................................................................................

انا زهقت من الاعلانات الهابطة دى ..

و المستفز انهم بيكتروا ..

وللاسف ناس مستواها الثقافى عالى ..

يقولك يا عم تعالى نجرب ..

و خليك ورا الكداب لحد اخر الاعلان ..

و عجبى ..

في العناية المركزة

الساعة تدق الحادية عشرة مساءا وأبي لم يرجع بعد الى المنزل

فهذا غريب الى حد ما فميعاد عودته غالبا هو الساعه التاسعه تقريبا

قلقنا قليلا

ثم عاودت أمي السؤال عنه

..

ما علينا

عاد أبي في الساعه الحادية عشر والنصف تقريبا

سألناه ليه اتأخر

أخبرنا بأن عمي محجوز الآن في العناية المركزة

وهو كان معاه في المستشفى

طبعا كان هناك الكثير من التساؤلات التي تتسابق لكي تخرج من أفواهنا في دهشة واستغراب

- ليه ايه اللي حصل ؟

- وده حصل امتى ؟

-طيب والدكاترة بيقولوا ايه ؟

- طيب وماقولتلناش ليه ؟

قاللنا أنه قابله وفجأه وقع وبيقوله مش قادر اتنفس

..

المهم ذهبت لزيارته اليوم

اول مادخلت المستشفى وجدت ناس بتصرخ وناس بتعيط وناس عيانه وناس فقرانه..

المهم

اتجهت للعنايه المركزة في الدور التاني

وجدته جثة هامده

والاجهزة والاسلاك اللي مركبنهاله دي

أثارت في احساس اننا مهما فعلنا لن نبلغ قطرة في محيطات قدرة الله وملكه

ووجدت عقلي يجبرني على تذكر الايه التي تقول وقيل من راق

..

ففي موقف مثل موقفه لا يقدر احد على وجه الارض ان يساعده الا بالدعاء

ففي لحظة قد ينقطع نفسه

وفي لحظة قد يفيق

الله وحده يعلم

ياريت تدعوله

..

ياريت تدعوله

ت

بسم الله الرحمن الرحيم ..

دى البداية ليا ..
مش فكرت قبل كده انى اكتب مذكرات عن نفسى ..
او اقعد اتكلم فى تفاصيل حياتى الشخصية ..
و اجيب لقدامى اكتئاب من مشاكلى ..
بس قد يكون فى حياة اى شخص تجارب عاشها ..
تفاصيل اثرت فى حياته ..
قد يكون معتقد انها مالهاش حل ..
فبيقولها و هوه عارف ان الشخص اللى قدامه مش حيقدر يساعده ..
بس المهم انو يحس باللى حواه ..
و هذا يكفينى ..
..................................................................................................................
اول قصة ..
ايام الامتحانات .. بيبقى الواحد مش ملاحق ينزل يجيب اى حاجة ..
الواحد مش بيبقى عارف يراجع ايه ولا ايه ..
المهم كنت نازل اشترى حاجات للبيت ..
فبابا قالى .. و انتى نازل . حتلاقى فيه محل عراقى جديد فتح ..
بيبيع عيش ..
و معروف او يقال يعنى ان العيش العراقى طعمه ظريف و ليه طريقة معينة ..
فبعد استفسارات عن المكان .. قلنا ربنا يسهل ..
و افتكر ..
:D
و لقيت المحل ..
بسأل الراجل ..
لقيته بيرد عليا بلهجة مش مصرية
افتكرت صحيح انو عراقى ..
ساعتها حسيت بالخنقة ..

سبحان الله .. بعد م كان المصريين بيروحوا العراق دلوقتى العراقيين همه اللى بييجوا ..

"قل اللهم مالك الملك تؤتي الملك من تشاء و تنزع الملك ممن تشاء و تعز من تشاء و تذل من تشاء بيدكِ الخير إنكِ على كل شي قدير"

...........................................................................................................................................................
للاسف اول بوست طلع كئيب ..
المشكلة ان القصة التانية .. مأساه عن الاولى ..
حاكتبها ان شاء الله بعدين ..
يلا كفاية نكد النهاردة ..
:D