صور من تاريخ الأرض ....مدونتي الجديدة

السلام عليكم ورحمة الله وبركاته

جميعنا يعلم أن

أمة لا يعرف أبناءها تاريخها

لن تستطيع أن تصوغ مستقبلها

ونعلم قول ربنا : قل سيروا في الأرض فانظروا كيف كان عاقبة الذين من قبلكم

وقد قال لنا أيضا : لقد كان في قصصهم عبرة لأولي الألباب

فمن هذا المنطلق قررت أن تنطلق مدونتي الجديدة

بإسم

صور من تاريخ الأرض

بكل ما فيها من أحداث وحضارات وشخصيات وثقافات ومتغيرات

أتنمى أن أساهم بها في تكوين ثقافتكم ورؤيتكم

لازلت أجهز مواضيعي لكي أطرحها بأسلوب مقبول وغير ممل

فتابعونا

دمتم بكل خير

:)

والسلام عليكم ورحمته وبركاته

نكمل حدودتة التاج ..

حمزة ده .. صاحب الافكار النيرة .. :D

لقى حاجة نرغى فيها .. :D

بس انا مش فاهم .. ايه العلاقة بين ان الواحد يجاوب على اسئلة .. و بين التاج ..:)

اللى بيجاوب اجابة حلوة بتدوله تاج ...:D

نشوف الاسئلة الحلوة بقى ..

.................................................................................

انت مين ؟؟

مش بحب السؤال ده و غالبا كده مش حجاوب عليه ..

!!!!!!!لان مين ميعرفشى حاسومى

يعنى لو مبتقراش جرايد .. مش يتشوف تلفزيون؟؟؟

حتلاقينى دايما فى برنامج ****

نتكلم بجد بقى ..

عادى .. انا حاسومى .. الحمد لله قضيت سنتين من المده .. و ناقصلى 3 سنين .. و مش معتمدين فى الكلية عندنا مبدأ

حسن السير و السلوك .. :D

و بالتالى قدامى 3 سنين يعنى 3 سنين ..

اكتر حاجة بحبها .. شغل المخابرات .. بحس ان دول ناس دماغها عالية قوى ..

كان نفسى اكون شغال فى المجال ده ..

كنت حعمل عمايل .. :D

بس غالبا كده .. حظهم حلو اوى .. :)

و بقول .. اه لو كنت موجود مثلن فى عصر الرسول ..

بس الحمد لله ..

.........................................................

مين اكتر ست اشخاص بتحبهم ؟؟

مش معنى ستة .. سؤال غريب قوى .. :D

بص يا سيدى ..

حرد رد دبلوماسى شوية .. و اقولك انا بحب الناس اللى بتفهم ..

و بحب الناس اللى بتشتغل شغلها صح و لوجة الله ..

و بتخنق جدااااااا من الناس اللى بتحاول تعيشك فى الوهم ..

...................................................................

انت سعيد؟

الحمد لله .. بس اكييد مش على طوول ..

ساعات بكون مضايق من حاجة معينة .. و ساعات .. بكون مبسوط و الحمد لله ..

بس اكيد مبكونشى مبسوط لما افتكر كلمة كوجنسى ..

عارف شعور المرارة .. و ان زى مايكون نفسك تنتقم من حد ..

نفس شعورى تجاه الكوجنسى ..

نفسى انتقم ...:D

......................................................................................

لو اجتمعت انت وحسني مبارك في غرفة واحدة؟

ليه الاحراج ده بقى .. :)

على فكرة .. ساعتها مش حيكون قدامك اى حل غير انك تتناقش معاه بصراحة ..

بس بجد .. تعالى نفكر هل يا ترى .. ساعتها حيكون الواحد بيفكر فى ايه ..

و بدون شعارات ..

الواحد اكييد حيتكلم بحساب ..

بس اتمنى .. ان الاقى حد يقعد يتناقش معايا ..

و كفايه اوى ان الواحد يسمع حديث زى ده ..

دخل عمر بن الخطاب رضي الله عنه ــ على رسول الله ــ صلى الله عليه وسلم ــ وهو نائم على حصير ليس عليه سوى إزاره وقد أثر الحصير في جنبه ــ صلى الله عليه وسلم ــ ، ودار عمر بعينيه في بيت النبي فما وجد غير قبضة من شعير نحو الصاع وَقَرَظٍ [1] في ناحية الغرفة وإهاب معلق على الجدار ، فبكى عمر ، وناداه الحبيب ــ صلى الله عليه وسلم ــ : مَا يُبْكِيكَ يَا ابْنَ الْخَطَّابِ قال : يا نبي الله وما لي لا أبكي وهذا الحصير قد أثر في جنبك وهذه خِزَانَتُكَ لا أرى فيها إلا ما أرى ، وذلك كسرى وقيصر في الثمار والأنهار وأنت نبي الله وَصَفْوَتُهُ وهذه خِزَانَتُكَ .قَالَ ـ صلى الله عليه وسلم ــ : يا ابن الخطاب ألا ترضى أن تكون لنا الآخرة ولهم الدنيا ؟قال عمر : بَلَى

كفاية حديث زى ده .. ولا تقولى لا حمار و لا عنب ..

و كفاية ان واحد مثلن يسمعه .. و هو حيحس بالراحة ..

ربنا يهدينا و يهديهم .. اميين ..

.......................................................................................

لو معاك مليون ونص جنيه......تعمل بيهم ايه؟

بس !!!!!!!!!!!!!

يعملوا ايه فى الزمن ده ..

ده الواحد لو جاب عربية مرسيدس محندقة كده .. حيصرف بتاع 600 الف ...

بجد بقى ... يبقى الحمد لله اوى ...

الواحد ممكن يفتح بيهم كام صيدلية فى مكان محترم ...

حجيب ناس بتفهم فى الحاجات دى .. بتوع ادارة ..

و كمان الواحد حيقرى المعوذتين عشان .. القر .. :D

.............................................................................................

بتحب مصر؟

صعب اوى ان الواحد يعيش و هو مش منتمى لاى حاجة ..

اه .. بحب مصر .. احنا كويسين و الله ...

شوف حرب 73 .. حتعرف ان كل حاجة ممكنه .. بس يبقى فيه شوية ضمير ..

........................................................................................................

بتحب البنات؟

:D

.....................................................................................................

انت مسلم ؟وليه ؟

الحمد لله .. لقيت نفسى مولود مسلم ..

ليه .. لانى اتولدت مسلم ..

و لو الواحد فكر فى الموضوع بعقله حيلاقى الموضوع عقليا صح ..

ليه ...

شوف القران ... فيه معجزات و دلائل علمية ...

يا ترى الرسول عرفها منين ..

من غير اى تعصب ... فكر كويس .. حتلاقى انو

No WaY

.........................................................................................

مين اكتر شخصية ما تقدرش تستغنى عنها في حياتك؟ وليه؟

اكيد اهلى .. :)

ربنا يخليهم و يهديهم يا رب ..

اميين

..............................................................................................

ايه اكتر موقف محرج اتعرضت ليه في حياتك؟واتصرفت ازاي؟

كتيير ..

اللى فاكره حاليا .. لما شفت درجة الاحياء و انا فى ثانوى .. و حسيت ان الحياه ضاعت ..

:(

......................................................................................................

ايه الأمنية اللي بتدعي ربنا دايما انه يحققها لك؟

اللهم ارزقنى الزوجة و الذرية الصالحة .. و اهدينا .. و وفقنى ..

امييين ..

.................................................................................................

تمرر التاج دة لمين؟

لولا ان حمزة قال .. كنت حمررهوله ..

:D

خلينا مع حمزة فى اختيارة ..:)

فلنجيب عن هذا التاج

هو التاج ده عباره عن شوية اسئلة بنمررها على بعضينا ولا ايه ؟؟

اصل انا شوفت التاج ده قبل كده بتاع حوالي 14 مره تقريبا في كزه مدونة

طيب انا عاوز اعمل تاج جديد اعمل ايه ؟؟

اللي يعرف ياريت يقولي

----

طيب التاج ده من شقلبان

هجاوب عليه انا دلوقتي واستنوا بقى حاسومي لما يرجع من بلاد اليوكاهاما

----

انت مين ؟؟

أنا حمزه

( للعلم ده مش اسمي الحقيقي- لو عاوزين تعرفوا اسمي الحقيقي معنديش مانع بس في شروط P: )

شاب مسلم - مصري - عنده أمل في بكره وعندي أمل ان مصر هتبقى أحسن وان العرب والمسلمين عموما هيبقوا احسن - شاب بيحب الافتكاسات - من هواياتي الرسم وبالاخص رسم الكاريكاتير- التصوير- التصميم -التأليف - ممكن التمثيل - الانشاد ( صوتي عاجبني - حد ليه عندي حاجه!!) - اليومين دول الشعر - مع اني في اللغه العربيه مش متمكن اوي بس اهو بقضيها -- على رأي شقلبان

-----

مين اكتر ست اشخاص بتحبهم ؟؟

-سيدنا محمد صلى الله عليه وسلم

-أبويا وامي

- اصحابي بقى زي حاسومي وزدني وبايو

( افراد الشله الخنيقه دول)

P:

- اصحابي اللي اكبر مني زي شقلبان واعدوا

----

انت سعيد؟

اه الحمد لله

على الرغم من اني مبعملش كل اللي انا عاوزه

ساعات بحس اني قاعد كده مليش لا شغله ولا مشغله

قاعد متنح وفاتح بقى

بس قاعد فرحان

شعور انك موراكش حاجه ده شعور جامد جدا والله

هو اينعم لو طول بيضر بس انا بحب الشعور ده

بحس اني ضارب بانجو

D:

اه

ببقى سعيد اكتر لو اتعلمت حاجه بالمجهود الفردي

ولو مسكت كتاب اقراه

------

لو اجتمعت انت وحسني مبارك في غرفة واحدة؟

هقوله ازاي حضرتك عامل ايه ؟

ربنا يوفقك ويرزقك البطانه الصالحه

كان ليا عند حضرتك طلب ياريس

ياريت لو تقول المسئولين يشوفولي شغلانه في اي شركة ادوية كبيره

D:

-----

لو معاك مليون ونص جنيه......تعمل بيهم ايه؟

هبدأ في تنفيذ مشروعي الخاص

أيا كان بقى صيدلية - مخزن ادوية - ترزي D:

/

هخططله الاول كويس وبعدين ابدأ :)

-----

بتحب مصر؟

مش عارف اجاوب بـ اه ولا لأ

بس انا نفسي تكون مصر هي الدوله رقم واحد في كل شئ

اقتصاديا وسياسيا وتنمويا و......

يبقى كده بحبها ولا لأ ؟

-----

بتحب البنات؟

الى حد ما

P:

اجابه خنيقه مش كده

-----

انت مسلم ؟وليه ؟

اه الحمد لله مسلم

والسبب الرئيسي في ذلك هو اني اتولدت مسلم

وبعد كده قارنت الاسلام بغيره فوجدت انه فعلا الدين عند الله الاسلام

-----

مين اكتر شخصية ما تقدرش تستغنى عنها في حياتك؟ وليه؟

أبويا وأمي

ثم اخواتي

ثم الصديق المخلص ايا كان مين

ثم زوجتي في المستقبل ان شاء الله

----

ايه اكتر موقف محرج اتعرضت ليه في حياتك؟واتصرفت ازاي؟

مش فاكر والله

-----

ايه الأمنية اللي بتدعي ربنا دايما انه يحققها لك؟

اني اكون انسان ناجح

-----

تمرر التاج دة لمين؟

للدكتوره قبس من نور

http://www.kabasisapharmacist.blogspot.com/

أنت وجوجل

إخواني الأعزاء

السلام عليكم

وكيف حالكم بدون الساحة

أكيد أفضل D:

--

سألت أختنا الزهراء في مربع الحوارعن غيابنا عنكم تلك الفتره الماضيه

وفي ظل الخلل الذي أصاب موقعنا الحبيب كل الطلبة(نسأل الله له الشفاء العاجل ) قد يصاب البعض بالملل

ولكني الحمد لله لم أحس بهذا الاحساس ....

لعدة أسباب

أولهم إني مكثت لاكتشاف بعض مميزات وخدمات ال

google

التي نحتاج لأكثر من يوم وليلة لنحصي خدماته ومميزاته

http://www.google.com.eg/intl/ar/options/index.html

وأثناء الابحار في هذا البحر المتشعب الذي حق له أن يسمى بالشبكة العنكبوتية وعن مميزات وعيوب الجوجل قدر لي أن أجد مثل هذا الموضوع في مدونة شبايك التي بعثت في نفسي الكثير من الأمل والتفاءل

(إحدى عشر مبدأ يمكن لأي نشاط تجاري تعلمهم من جوجل )

http://www.shabayek.com/blog/?p=16

وموضوع آخر على نفس المدونة اسمه بإسم

( دروس من جوجل )

http://www.shabayek.com/blog/?p=115

---

أسأل الله لصاحب هذه المدونة التوفيق دوما فقد استفدت كثيرا من هذه المدونة

---

وأنت أيها القارئ العزيز عاوز اعرف

ماذا استفدت من جوجل ؟

ومن مدونة الاستاذ رؤوف شبايك ؟

أرجو أن تكونوا أبحرتم فيها

:)

في أمان الله

مفاجأة مش ظريفة ..:(

الحمد لله .. مرت 3 حصص بسلام و بهدوء ..

و الاهم .. انهم بلا خسائر ..:D

صحيح .. حصلت مواقف .. لا داعى لذكرها .. كان الراجل غالبا كده حيتشل منى :)

بس مش مشكلة كل ده ..

فى المرة الاولى .. و احنا سايقين .. كان بيسألنى عن انا فين .. يعنى شغال ايه ..

و طبعا انا مش ناقص حد يسألنى اسئلة مالهاش لازمة دلوقتى و انا بسوق ..

فرديت عليه بسرعة ..

" لا .. دا انا لسه طالب فى تالتة صيدلة "

" بس انا بتدرب فى صيدلية "

فضحك ضحكة كده ..

وانا نفضّتله ..و ركزت فى السواقة ..:D

المهم النهاردة .. و انا فى امان اللة .. لقيته قالى .. يعنى مجبتليش الدوا ولا حاجة ..

قلتله ..

" انت مقولتش انت عايز ايه اساسن "

قالى انا عايز ******

مش عارف .. حسيت ان الدوا ده .. من الاخر كده تبع الجدول ..

جدول الادوية المخدرة ..

و قولت فى سرى .." ييييية .. شكله كده حيشتغلى فى دور عم الشمام

بعد ما الحمد لله خلصت و مشيت

و انا راجع وكأنى راجع بعد معركة منتصر .. ..:)

قلت اسأل الدكتور اللى معايا فى الصيدلية .. اذا كان الدوا ده تبع الجدول ولا لأ..

و للاسف كالمتوقع طلع تبع الجدول ..

و انا دلوقتى اتزنقت ...

يا ترى ايه انسب وسيلة .. انى افهمه انى زى ما تقولوا كده هارشة ...:D

لأنى طبعا مش حديلة حاجة ..

و الموضوع كله .. ناقصلى حصة واحدة .. و خلاص ..

بس لسه بدرى عليها ..

فى الاسبوع الجاى ..

ربنا يستر

عايز اتعلم

لو سألتنى امبارح .. عن الحاجات السهلة اللى ممكن تتعمل فى الحياة ..

ممكن اقولك حاجات كتير اوى ..

من ضمنها انك تسوق عربية ..

لو سألتنى نفس السؤال ده تانى النهاردة ..

صعب اوى انى اجيب سيرة العربية ..

:D

من فترة و طلعت فى دماغى اوى انى اتعلم السواقة ..

حقيقى .. كنت شايف الموضوع ايزى موزو ..

و كأنى بسوق عجلة ..

:D

رحت لمكان عشان اتعلم .. خدت معاد النهاردة أول حصة ..

طبعا العربية كانت

Manual

و كمان 128 حالتها صعبة شوية

:(
و عربيتنا اوتوماتيك .. يعنى من الاخر .. ماليش فى الفتيس و الدبرياج و الحاجات دى ..

بس عادى ..

كان شعورى قبل ما اروح .. انى رايح افتح عكا ..

و الراجل حيقابلنى و يدينى مفتاح المدينة ...

:D

بس للاسف .. طلعت معلوماتى عن المنيوال .. ضعيفة جداا ..

و انا من النوع اللى مبعرفشى اعمل حاجة و حد يكلمنى و انا بعملها ..

فطبعا الراجل بيكلمنى و يوقلى كذا .. و انا مركز انى مخبطشى فى حد ...

فالراجل حس انى مبسمعشى ..

:D

بس الحمد لله عدى اول يوم بدون خساير فى الارواح ..

ادعولى ان ربنا يسترها معايا ..

يا رب ..

اهم حاجة .. انى مخبطشى حد ..

يا رب ..

بين الأبيض والأسود هناك الكثير والكثير

أقصد بالعنوان ده إنه مفيش إنسان ربنا خلقه مطلق

يعني مفيش الكويس المطلق

ومفيش الوحش المطلق

ده ملهوش دعوة بالمفعول المطلق خلوا بالكو

D:

كل منا فيه جوانب خير كتيرة

وجوانب سيئة كتيره

كل منا فيه الطيب وفيه الشرس وفيه القبيح

D: