RTC
حمزة : السلام عليكم ورحمة الله وبركاته .... السادة المشاهدين والمستمعين :مرحبا بكم ... هذه التدوينة مشتركة ... سيكتب لكم فيها حمزة وحاسومي معا ... أما عن سبب التدوينة فهو ما وجده بعض طلاب كلية الصيدلة عقب انتهاء الملتقى التوظيفي الرابع الذي أقيم في كليتهم المصونة .... ما وجدوه هو صندوق كبير ملقى على الأرض ملئ بالسفيهات بتاعت الناس اللي قدمت -- ملحوظة أخرى : التدوينة بها فيديو لهذا الصندوق وصور لسيفيهات كانت مرمية على الأرض ..
اتفضل يا حاسومي:
حاسومي :
كان فيه بوست قديم جدا يا حمزة
و انا بتكلم فيه عن الاعلانات العقيمة اللى بتوهم الناس
اعلان عن منتج لعلاج الكبد
و اعلان عن منتج لعلاج الصلع حتى و لو كان السبب مشكلة وراثية او هرمونية او بدانجانية ..
و اعلان تانى ..اقل ما فيه اعلان سخيف
و تلاقى واحد يقولك .. اتصل الان على خط تفسير الاحلام
و كأن الناس خلاص فاضية موووووووووت
و مش لاقية غير الاحلام تروح تفسرها
و تلاقى اعلان تانى .. يقولك رنتك باسم حضرتك
او اعلان تانى يكلمك عن خط الاكل
اه عن الاكل
يعنى لو ست عايز تتعلم اكله .. تتصل و تاخد الوصفة
ده غير طبعا الاعلانات القديمة جدا بتاعه
المسابقة السحرية
مين هو اللى بيدرب منتخب مصر و اسمه حسن شحاتة
بقى فيه ناس مهمتها ازاى تخدع الناس
ازاى تستغلك عشان هيه تنجح
بصرف النظر عن اى مبادىء او اخلاق
لمجرد ان ده حيجيب حبة فلوس
و فى ستين داهية انت مش مهم
اصل انت اللى مغفل
و القانون بيدلع المغفلين
من اول ما جيت الكلية و انا اسمع عن كورسات عجيبة
كورس عن مستحضرات التجميل
و كورس عن الاعشاب
و كورس بيعلّمك ازاى تخش على الانترنت
لدرجة ان فى الفترة الاخيرة يعنى حوالى من اسبوعين كده
كان فيه حوالى خمس اكشاك " عذرا لانى مش لاقى لفظ تانى احسن من كشك " .و كلهم بيعملوا دعاية عن كورسات ..
لدرجة انى و انا فى الطريق فكرت انا و حمزة اننا نعمل كورس
:D
و حمزة قالى ان الموضوع سهل موت
كل الموضوع اذن من رعاية الشباب .. و خلص الفيلم
و اجنى الارباح
موضوع ملتقى التوظيف اللى كان فى الكلية يوم التلات و الاربع
ناس و همه ماشيين بمنتهى البراءة
لقوا كرتونة فيها سى فى
بتاعه ناس كتيرة و بمنتهى البجاحة
مش يرموها بره
لأ .. جوه الكلية
يعنى متأمر و *******
و سمعت جملة جامدة جداا
و انا واقف مع اصحابى .. و بنبص فى الورق المرمى على الارض
لقيت واحد بيقول
" شركة _____ اتصلوا بينا بعد ما مشيوا .. و قالولنا انهم نسيوا الكرتونة بتاعه السى فى .. "
ههههههههههههههههههههههههههههههههههههههههههههههههههههههههههههههههههههههههههههههه
انا رحت بصيت ورا و قولتله
ايه ده .. نعم
و انا بتكلم فيه عن الاعلانات العقيمة اللى بتوهم الناس
اعلان عن منتج لعلاج الكبد
و اعلان عن منتج لعلاج الصلع حتى و لو كان السبب مشكلة وراثية او هرمونية او بدانجانية ..
و اعلان تانى ..اقل ما فيه اعلان سخيف
و تلاقى واحد يقولك .. اتصل الان على خط تفسير الاحلام
و كأن الناس خلاص فاضية موووووووووت
و مش لاقية غير الاحلام تروح تفسرها
و تلاقى اعلان تانى .. يقولك رنتك باسم حضرتك
او اعلان تانى يكلمك عن خط الاكل
اه عن الاكل
يعنى لو ست عايز تتعلم اكله .. تتصل و تاخد الوصفة
ده غير طبعا الاعلانات القديمة جدا بتاعه
المسابقة السحرية
مين هو اللى بيدرب منتخب مصر و اسمه حسن شحاتة
بقى فيه ناس مهمتها ازاى تخدع الناس
ازاى تستغلك عشان هيه تنجح
بصرف النظر عن اى مبادىء او اخلاق
لمجرد ان ده حيجيب حبة فلوس
و فى ستين داهية انت مش مهم
اصل انت اللى مغفل
و القانون بيدلع المغفلين
من اول ما جيت الكلية و انا اسمع عن كورسات عجيبة
كورس عن مستحضرات التجميل
و كورس عن الاعشاب
و كورس بيعلّمك ازاى تخش على الانترنت
لدرجة ان فى الفترة الاخيرة يعنى حوالى من اسبوعين كده
كان فيه حوالى خمس اكشاك " عذرا لانى مش لاقى لفظ تانى احسن من كشك " .و كلهم بيعملوا دعاية عن كورسات ..
لدرجة انى و انا فى الطريق فكرت انا و حمزة اننا نعمل كورس
:D
و حمزة قالى ان الموضوع سهل موت
كل الموضوع اذن من رعاية الشباب .. و خلص الفيلم
و اجنى الارباح
موضوع ملتقى التوظيف اللى كان فى الكلية يوم التلات و الاربع
ناس و همه ماشيين بمنتهى البراءة
لقوا كرتونة فيها سى فى
بتاعه ناس كتيرة و بمنتهى البجاحة
مش يرموها بره
لأ .. جوه الكلية
يعنى متأمر و *******
و سمعت جملة جامدة جداا
و انا واقف مع اصحابى .. و بنبص فى الورق المرمى على الارض
لقيت واحد بيقول
" شركة _____ اتصلوا بينا بعد ما مشيوا .. و قالولنا انهم نسيوا الكرتونة بتاعه السى فى .. "
ههههههههههههههههههههههههههههههههههههههههههههههههههههههههههههههههههههههههههههههه
انا رحت بصيت ورا و قولتله
ايه ده .. نعم
!!!!
تانى كده
راح مردد نفس الجملة
قولتله .. همه نسيوا ازازة حاجة ساقعة و لا علبة مناديل مثلا
راح رادد و بمنتهى الحزم
" ما هو اكيد همه مش دافعين 12 الف جنية كده "
قولتله ما همه بالفعل عملوا دعايا و ما شاء الله حلو اوى
و انتهى الحوار
يمكن ده من رحمة ربنا ومن نعمته عليا
لحسن كان يقول جملة تانية
تانى كده
راح مردد نفس الجملة
قولتله .. همه نسيوا ازازة حاجة ساقعة و لا علبة مناديل مثلا
راح رادد و بمنتهى الحزم
" ما هو اكيد همه مش دافعين 12 الف جنية كده "
قولتله ما همه بالفعل عملوا دعايا و ما شاء الله حلو اوى
و انتهى الحوار
يمكن ده من رحمة ربنا ومن نعمته عليا
لحسن كان يقول جملة تانية
كان ممكن يقولى .. اصلهم مش قدروا يشيلوا الصندوق
او مثلا الدنيا ضلمت عليهم و يا عينى الصندوق تاه منهم
او يمكن كان يقولى
همه قالوا يسيبوا الصندوق اسبوع لحد ما عدد السيفات تكتر
و طبعا مكانوش حيسيبوا الموضوع
كان اليوم اللى بعد حيبعتوا عربية زبالة كبيرة تشيل الكراتين كله
ا
:D
و عمار يا ست فايذر
:D
و عمار يا ست فايذر
نترككم الآن مع الفيديو الممتع الذي يحتوى على الصندوق المرمي في الأرض المليان سيفيهات
حمزة : معلش يا جماعه أعذروني أنا هاضطر أقول اسم اللي قلنا ان شركة فايذر نسيت علبة السيفيهات ( كأنهم نسيوا علبة مناديل مثلا ) --- مع ان حاسومي مش موافق اني اقول اسمه
هو اللي قالنا كده : علاء سعد
أحد المسئولين عن أسرة الـ ( ك ) و أحد منظمي لجنة
الـ RTC
من الجدير بالذكر أيضا :
إننا لما سألنا واحد من لجنة الـ ( أي تي ) في ال ( الآر تي سي ) عن حكاية الصندوق المرمي قال :
طب ما هو ده معروف وبيحصل كل سنة
أترككم مع الصور الخفيفة اللطيفة للسيفيهات المرمية على الأرض ( ياريت لو لقيت سيفيهك فيهم متزعلش )
.jpg)
.jpg)
.jpg)
.jpg)
.jpg)
كل سنة وانتو طيبين
وإلى اللقاء في العام القادم
هناك ٢٧ تعليقًا:
طيب ممكن اعلق من الزاوية الاخرى
باعتباري بشتغل في الاتش ار و باعتبارنا مخططين ندخل ملتقى توظيف كلية تجارة
و احنا هدفنا فعليا من الدخول في الملتقى هو الدعاية عن الشركة فقط لا غير
يعني احنا مش رايحيين بنفس هدف اللي القائمين على الملتقى مفترضينو
طيب ياتي سؤال : ما اللي عايز يعمل دعاية يعملها في مكانها ليه الوهم ده
لان ببساطة هو ده مكانها .. الدعاية هدفها انها تخلق صورة ذهنية جيدة للشركة
و المتقدمين بسيفيهات اغلبهم شباب باعداد كبيرة و هما دول عملائنا
سو ونس ان هما شايفين الشركة نازلة في ملتقى ده بيدي انطباع ان دي شركة جامدة
ده بالنسبة لنا كشركة بيوفر كتيييير جدا من لو كنا عملنا دعاية باي اسلوب تاني .. و في نفس الوقت بيوصل انطباع قوي عن الشركة من غير ما نعد نقول احنا شركة جامدة نحن الرائدون نحن المش عارف ايه
هو انطباع قوة الشركة بيجيلو بمجرد انها نازلة و حاطة لوجو ستايلش و كام بدلة واقفة تستقبل الناس
سو .. السيفيهات مش الهدف الاساسي .. خصوصا لو كان الشغل التخصصي عندهم بيستلزم خبرة
بس ده ما يمنعش ان تصرف الشركة دي في قمة الغباء .. لانهم بكدة و لا سابو صورة ذهنية صح و لا حتى جابو موظفين
فاينلي هما ما عملوش حاجة
ما عشان كلام حضرتك ده ..
اللى اكد احساسى
و بشكر حضرتك جدا عليه ..
انا اتخنقت جدا من الاخ اللى قعد يقولى ..
ان الشركة مش دافعة فلوس عشان مش تاخد السيفيهات ..
اسوء احساس ممكن يجيلك لما تحسى ان اللى قدامك معتقد انك طفلة ساذجة ممكن تقول اى كلام
و هو يقول امييييييييييييين ..
يعنى مش يرد يقول اى سبب منطقى
صحيح انا مش حصدقه لان مفيش حاجة تبرر ..
بس على الاقل يحسسنى انو شخص له حاجة كده موجودة عند اغلب الناس
اسمها عقل ..
مش الرد المدهش بتاع اصلهم نسيوا الكرتونة ..
احساس سخيف جداا ..
لما تحس ان اللى قدامك فاكرك اهبل و عبيط ..
بالذمة ده ينفع يبقى مسئول عن حد
حاجة تقرف ..
هههههههههههه
و الله ضحكتنى... بس ضحكتنى عليك اكتر يا باشا
اصلك متعرفش ان كل شركة ليها كرتونتين او فايلين
واحد مقبول و ممكن يجى منه و التانى من اولو كده مرفوض اصلا
انت بقى لو لقيت سفسهاك مرمى عالارض ده ذمبك لانك ماديتهوش اهتمام و انت بتديه للشركة
طبيعى يبقى مرفوض
ههههه
شفت انت كمية البراويز اللى فى السيفيهات و الصور
اذا كان السى فى مكتوب غلط عاوز الشركة تاخدو ازاى؟؟؟؟؟؟؟
و بعدين الشركة قبل ما تمشى لو انتى حضرت الفير يعنى بتقفل الصندوق اللى بتاخدو معاها كأن فيها صندوفق الدنيا
اكيد طبعا ماشوفتش المنظر ده و عشان كده انت صورت صندوق فعلا بس مش صندوق فايزر يا دكتور...
و لو عالكورسات الله يرضى عليك ابقى اعملنا كام كورس على ذوقك و اطلع خد الاذن نت الحج عبده ظبطه زى ما انت بتقول.. بس صدقنى هاتندم لانك هاتدفع من جيبك فلوس كمان
نصيحة اللى متفهمش فيه متتكلمش فيه من اصلو
انا واحد من الناس اللى مكنش ليهم حد لا فى ار تى سى و لا غيرو لكن عرف ناس كتير اوى نزلوا شركات بسببهم و اشتغلو كمان... كفاية ان و انا فى سنة اولى نزلت تدريب و انا معرفش لسا حاجة بجد و ده فى الفير التانى...و طبيعى كان نفسى ابقى واحد منهم و عشان كده اشتغلت معهم دلوقت و انا فى سنة تالتةو عارف بيتبهدلو و يسافروا و يروحو و يجو اد ايه و يتعبو اد ايه
اقولك ايه بس
نظم الكورس انت و انا وعد هاجى اسأل احوالك المادية عاملة ايه مع انى متأكد انك مش هتعملو لان اللى زيكو مهمتو الكلام و بس
good luck ya basha
kol course wenta tyb...
أما بالنسبه لحكاية تنظيم الكورسات والتعامل مع الحج عبده صالح فأنتم أدرى بكيفية التعامل أمثاله ...
وكما نصحتني لن اتكلم عن الكورسات اللي بتقدمها ال ار تي سي ... في رأيي أن بعضها مفيده
اكرر كلامي بلا تردد : كورسات الار تي سي بعضها مفيد (( ده في رأيي الشخصي وبالنسبه لي ))
لكن الفير اللي انتو بتعملوه
هتش * هتش
مجرد دعايا للشركات كما قالت الاخت منه ليس هدفهم خدمة الطلاب بتاتا
احب الناس اللى زى
Pharma_Dream
قد ايه انا كنت عايش فى الوهم و مصدق نفسى ..
يااااه
انا كنت بخدع نفسى و مش شايف قد ايه الفير ناجح كده
ياه و انا اللى كنت ظالمه ..
حقيقى انا ضميرى بيعذبنى ..
تعرف انى مش قدرت انام العصر النهاردة ..
كنت بنام ساعتين نمت ساعة و نص بس ..
و النص ساعة التانية .. عيشتها فى عذاب الضمير ..
رحماك يا ربى ..
قد كده فيه ناس بتتعب و تشقى و تسافر و تعبر القارات عشانى انا ..
و انا بكل جحود الدنيا و بمنتهى الصفاقة بتاعتى .. انكرت جميلهم ..
انا اللى زيى مش لازم يعيش لحد شيت الفايتو ..
:D
بس حقيقى احييك ..
صحيح ردك مش منطقى ..
بس اهو حاجة يعنى ..
و رد حمزة خلاص ..
وضحّ اللى كنت عايز اقوله
اصل صعب يعنى ..
كل السيفيهات دى زبالة ..
و كمان مش المفروض ارقص قدام الناس و انا بديلهم السى فى عشان اعجبهم فيحترموا السى فى ..
و موضوع الكورسات ..
حقيقى انا راجل مش بحب اعمل حاجات فاشلة و اضحك على الناس ..
اى كورس يا كابتن لو كورس نضيف مش بيتعمل ب 100 جنية
الحاجات النضيفة حضرتك اكتر من كده
و حقيقى مش تحرمنا من تعليقاتك
لان حقيقى احنا بنفتقد الشخصيات الممتازة زى حضرتك
تحياتى
:)
صدقنى انتوا صعبانين عليا جدا و صعبا عليا وقتى انى اضيعوا فالرد عليك
و تخيل فعلا 2000 سى فى مش عدد انو يبقى بايظ و لا حاجة
يا راجل ده احنا شوفنا العجب و اعدمنا كمية سيفيهات طبيعى ان ده مصيرها
اقولك على حاجة كويسى عشان تفهم احسن, تعالى على نفسك و احضر محاضرة فة كتابة السى فى الصح ازاى
و اللى بيدوها بردو الشركات دى
و وضاح كمان انك مش واخد بالك ان الفير فيه 40 شركة كل واحد بيعملو 40 سى فى و يديهم للاربعين
تخيل دخل الفير اقل حاجة 6000 بنى ادم
فى اربعين سى فى يعنى 240000
لما كل شركة يجيلها 600 سى فى توقع ان على الاقل فى نصهم سى فيهات غلط و شخصيات مش مؤهلة
انت انهردة بيتحطلك علامة مبدئية بعد متمشى بثوانى و الله اعلم بقى انت اخدت ايه
و بعدين انت بتقول كلامى مش مقنع و انا بقولك انى نزلت و انا فى سنة اولى اتدربت
و السنة اللى فاتت اللى هو الفير اللى فات واحد جارى من جامعة خاصة بردو اشتغل بسببوا
يعنى واحد لا ليه حد فى الكلية و لا ليه فى الفير و الا ماكنش جيه
و انا قلتلك ركز فى مناظر السى فيهات اللى انتو مصورينها اصلا
لا المفروض انك تحط لا صورة و لا برواز و جداول و الوان
كل الكلام ده مبيروحش الشركة اصلا لانه البيانات متكعبلة
فى فورمة هما حطوها و احنا عملنا الى علينا و حطيناها على السايت
و بعدين يا اخ اصلا كان فى صناديق مش صندوق سى فيهات معدومة فى الى تى اللى انت بتتكلم عندو
لان لما حد بيروح هناك بيعملولو سى فى جديد و القديم بيترمى
و كان بيحصل بعض الاخطاء فى السى فى فى ارقام التليفون و ده طبعا بعد ما يكون الى تى طبعوها و صوروها اكتر من 40 نسخة
و مع ذلك كانو بيغيروها و يرمو القديم فى صندوق الاعدام
و على فكرة انت بردو فكرتى بشركة فى الفير السنة دى فضلو قاعدين فى الكلية لحد بعد الساعة 7 و نص عشان يقدروا يلمو صناديق السى فى بتاعتهم
و اللى انت متعرفوش ان الشركة مش بس دعاية لكن ده مصلحتها انها تاخد السى فى الكويس عشان تكمل الداتا بيز بتاعتها احسن و اجدى
و الله لو انت بقى لقيت السى فى بتاعك في واحد من الصناديق دى انت عارف اكيد انت غلطان فايه
ابقى صلحوه
و بعد اذنك متتكلمش عن تعب الناس بالاستهانة دى لانك محستش بيهم فعلا
لكن النس دى قرروا انهم يعملو حاجة و يبقى ليهم دور فى حاجة كويسة زى الار تى سى
فاقل حاجة انك بدل متتكلم بالتهكم و السخرية دى انك تقول شكرا حتى لو مليون شركة رفضتكم لانهم عملو اللى عليهم
اما لو كنت انت من الغلاويين البيحقدو على الناس عشان مش عارف تبقى زيهم ف ده موضوع تانى بقى و محدش مستنى منك كلمة شكر
و ان كانت شخصيتك ضعيفة لدرجة انك بتدور على اخطاء الناس او انك تختلقلهم اخطاء فانصحك تقرا كتاب ستفن كوفى بتاع ال7 هابيتس
هينفع معاك جدا لانه بيغير الناس اللى زيك و ينقلهم لوضع احسن و ارقى بكتير
و هتستريح نفسيا كمان
و ان كنت بردو بتدور على اى كلام نخدوا من لسان حد مننا زى مانت بتحاول تعمل فاحب اقولك ان طرقتك فاشلة جدا و ياريت تغيرها
لان اللى انت بتتكلم عنهم دول من احسن الناس و انشطهم على الاطلاق و اكيد تعبهم مش فى الارض عشان تتكلم عليهم كده
و ان كان حد فيهم بيهاودك فاكيد عشان انت صحبو و عرفو و بيخدك على اد عقلك
لكن فى كل الاحوال محدش منهم اصلا يهمو رأيك فيه و لا رأيك فى الار تى سى
و عاوز تعمل للار تى سى دعاية على صفحتكم المبجلة بالطريقة دى انت حر بردو
صدقنى احنا مش خسرانين حاجة
اما الاقناع فسيبو للنا لان مهما حاولت تعمل ثقة الناس فينا الحمد لله مبتتأثرش لانهم عارفين احنا مهتمين اد ايه
و متشكرين لسعادتك افضالك و الوقت اللى انت منمتوش من عذاب الضمير
هههههههههههه
فى امان الله...
بالرغم من ان كلامك بلا ادله ..
مجرد كلام ..
و بالرغم من انك وجهتلى كلام باسلوب كان اسهل حاجة اعملها انى اعمل ديليت للتعليق بتاعك
بس انا حرد على كلام معاليك ..
و نشوف هل انا من الناس الحقودة زى ما
كتبت عنى " الله يسامحك " ..و لا كلامك زى الفيلم العربى اللى ممكن انا اسميه ..
" صعبان عليا "
بما انى حالتى صعبة اوى كده
بس بما انك المخرج ممكن تغير الاسم براحتك خالص ..
:)
نبتدى نرد على كلامك بالتفصيل ..
مع انى و الله مش فاضى ...
عندى اتنين شيت ..
شفت بقى ..
...........................
" يا راجل ده احنا شوفنا العجب و اعدمنا كمية سيفيهات طبيعى ان ده مصيرها"
مبدئيا طالما حضرتك شغال فى عمل المفروض انك عملوا سواء بقى عشان تثبت نفسك او عشان وجة الله ..
يبقى تستحمل او تسيبه ..
تانى حاجة ..
حضرتك فى التعليق اللى فات قولتلى انك فى تالتة ..
همه الناس بتوع الار تى سى .. همه اللى بيقرروا اذا كان السى فى ده حلو و لطيف و لا يترمى فى الزبالة ..
و بمناسبة ايه اصلن ..
طيب ..
الشركات دى جاية تعمل ايه
ناس لابسة كرافتات و خلاص ..
و مش بيشوفوها السى فيهات ..
بجد شكرا انك وضحتلى معلومة حلوة مووت ..
اكدت اكتر ان الموضوع بطيخ او بدنجان ..
لان كلامك اللى انت قولته مش انا ..
انك بتقول انك لقيت العجب ..
و معنى كده ان الناس بتوع الارتى سى همه اللى بيفرزوا السى فيهات ..
.........................
" تعالى على نفسك و احضر محاضرة فة كتابة السى فى الصح "
ما شاء الله .. عمار يا مصر ..
حضرتك بتحكم على السى في بتاعى من غير ما تشوفه ..
و كمان احساسك الداخلى الجوانى قالك انى محتاج الدورة ..
بجد مصر فيها شباب زى الورد حقيقى ..
.......................
"
و وضاح كمان انك مش واخد بالك ان الفير فيه 40 شركة كل واحد بيعملو 40 سى فى و يديهم للاربعين
تخيل دخل الفير اقل حاجة 6000 بنى ادم
فى اربعين سى فى يعنى 240000"
ياااه ..
ليه كده ..
مش واسعة اوى يا كابتن ..
40 مرة واحدة ..
و 6000
طيب .. اكتبلى اسامى ال40 شركة ..
مع انى انا و صاحبى لما دخلنا ..
كان صاحبى مصّور 20 سى فى ..
و رجع بشوية ..
لان فيه شركات اصلن مش بتاخد الا
سى فى واحد مخلّص خلاص ..
رجاء اكتبلى اسامى ال40 شركة ..
:)
يمكن اكون غلطان
و ساعتها حقدملك اعتذار عن النقطة دى
بس جيبلى بس الاسامى الاول ..
...........................
" و شخصيات مش مؤهلة "
برضة انت اللى بتحكم على اساس ايه ..
حاجة تانية ..
هل كونه و لنفترض انك برؤية الخبير
و النظرة الثاقبة و احساسك الدقيق ..
لقيت ان السى فى مش مؤهل ..
هل معنى كده انك ترميه فى الارض ..
مش دى اهانة للناس اللى تعبت و جت من كذا مكان
و زى ما انت بتقول جت من كليات خاصة و ناس جم من حلوان
مش دى ناس تعبت برضة ..
و لا ايه النظام ..
بعد كده اول ما تشوف سى فى مش قد كده ..
انت تمسك صاحب السى فى .. و تكلمه شوية عن الكورسات بتاعه الار تى سى ..
و هو تكسب فيه ثواب
و لك الاجر ..
يلا قول لاصحابك بقى على الفكرة الحلوة دى
:)
..........................
" و بعدين انت بتقول كلامى مش مقنع و انا بقولك انى نزلت و انا فى سنة اولى اتدربت "
بسم الله ما شاء الله ..
من سنة اولى و انت بتعرف تكتب سى فى ..
الله عليك ..
ما اروعك ..
...........................
"
و بعدين يا اخ اصلا كان فى صناديق مش صندوق سى فيهات معدومة فى الى تى اللى انت بتتكلم عندو
لان لما حد بيروح هناك بيعملولو سى فى جديد و القديم بيترمى
و كان بيحصل بعض الاخطاء فى السى فى فى ارقام التليفون و ده طبعا بعد ما يكون الى تى طبعوها و صوروها اكتر من 40 نسخة
و مع ذلك كانو بيغيروها و يرمو القديم فى صندوق الاعدام "
مش فاهم الكلام ..
رجاء التوضيح ..
........................
" على فكرة انت بردو فكرتى بشركة فى الفير السنة دى فضلو قاعدين فى الكلية لحد بعد الساعة 7 و نص عشان يقدروا يلمو صناديق السى فى بتاعتهم
و اللى انت متعرفوش ان الشركة مش بس دعاية لكن ده مصلحتها انها تاخد السى فى الكويس عشان تكمل الداتا بيز بتاعتها احسن و اجدى
"
على فكرة مبدئيا ده شغلهم اللى بياخدوا مرتب عليه ..
همه مش جايين على نفسهم مثلا و جايين ..
او عاملين فينا خدمة العمر مثلا ..
هيه امتى تاخد السى فى ..
لما تكون محتاجاه اصلن ..
ده اولا ..
تانى حاجة ..
انت كنت قولت حوالى 2400000
يعنى ما شاء الله ..
فى يومين بحالهم او اقل ..
قدروا يفرزوا السى فيهات دى ..
ده على اعتبار انهم همه اللى بيفرزوا ..
مع انك لسه قايل من شوية صغيرين ..
انك انت اللى بتفرز ..
انت كده حتلغبطنى ..
مين اللى بيفرز
انت و لا همه
و لا حسب سعيد الحظ ..
....................
"
و بعد اذنك متتكلمش عن تعب الناس بالاستهانة دى لانك محستش بيهم فعلا "
يا سلام ..
انت فعلا اقدر منى فى الموضوع ده ..
انت فعلا بتقدر تعب الناس اللى جت و تعبت و صممت و طبعت و كمان بالالوان ..
........................
" لكن النس دى قرروا انهم يعملو حاجة و يبقى ليهم دور فى حاجة كويسة زى الار تى سى "
سلام خاص للار تى سى ..
انت لو بتعتبر ان ايهام الناس بأن موضوع الفير موضوع حقيقى ..
ده خدمة جليلة ..
يبقى فعلن كويس اوى ..
................
" اما لو كنت انت من الغلاويين البيحقدو على الناس عشان مش عارف تبقى زيهم ف ده موضوع تانى بقى و محدش مستنى منك كلمة شكر
و ان كانت شخصيتك ضعيفة لدرجة انك بتدور على اخطاء الناس او انك تختلقلهم اخطاء فانصحك تقرا كتاب ستفن كوفى بتاع ال7 هابيتس
هينفع معاك جدا لانه بيغير الناس اللى زيك و ينقلهم لوضع احسن و ارقى بكتير
و هتستريح نفسيا كمان "
من نعم ربنا عليا ..
انو ادانى حاجات كتير كويسة ..
الحمد لله ..
مش عارف انت حكمت علىا من اى منطلق ..
بس الاكيد .. انى لو كنت عايز اخش الار تى سى ..
اعتقد ان الموضوع متاح للجميع ..
و اعتقد برضة انى مش فكرت فى يوم من الايام انى لا اخش ار تى سى و لا اى اسرة فى الكلية ..
انا لا عايز ابقى حاجة فى الار تى سى و لا فى الاتحاد حتى
و الكلام ده اصلن مش فى دماغى ..
و لا حتى فكرت بتاتا فيه ..
اصل اللى بيحقد
ده واحد جرب كتير و قاعد يفشل ..
و اعتقد انى مش حاولت عشان افشل ..
و لا الموضوع فى دماغى ..
:)
........................
" اما الاقناع فسيبو للنا لان مهما حاولت تعمل ثقة الناس فينا الحمد لله مبتتأثرش لانهم عارفين احنا مهتمين اد ايه "
احيى فيك الثقة المطلقة دى ..
و فعلن ثقة الناس بلا حدود فى الار تى سى ..
بما انها ثقة بلا حدود كده ..
فادينى ادلة ..
و بلاش الكلام المرسل ..
طب ما انا ممكن اقولك ..
ان المدونة بتاعتى دى اجمد مدونة فى العالم كله ..
من السهل انك تخدع الناس بعض الوقت و لكن ليس كل الوقت ..
شكرا ليك بجد .
لا حرمنا الله من جمال تعليقك ..
:)
طبعا انا اقل شئ ممكن اعمله لرد حضرتك هو الـ ( ديليت )زي ما قال حاسومي لكني مش هاعمل كده لأني والله (( بحترمك )) ومقدر انت ممكن تكون بتتعب قد ايه ... لكن الفت نظرك الى ان السيفيهات اللي متصوره في الفيديو او الصور مش كلها فيها اللي انت بتقوله من صور وبراويز وجداول
فيه منها سيفيهات محترمه ... وكلها معليهاش العلامه اللي حضرتك بتقول عليها ( اللي هي بيحطها اللي بيستلم السي في واللي بتدل ان السي في مناسب او مش مناسب )
وانا فعلا قريت كتاب العادات السبع ..شكرا لنصيحتك :)
في النهايه بس احب اقولك اننا والله والله مش عاوزين نحطكم في قفص الاتهام لكننا نريد سبب (منطقي) لما رأيناه
او ان كان خطأ قد حدث فليس من العيب الاعتراف به .بل هو خلق حميد . ولكن على الا يتكرر العام القادم نرجوكم
وكما طلب منك حاسومي ياريت تجيبلنا اسماء الاربعين شركة اللي (( فعلا )) كانوا متواجدين ... لأننا لم نرى الا حوالي 15 شركة بالكتير
وكما ذكرك بردو كان الافضل تتكلم بدليل
أذكرك أن ما نفعله هو من أجل تقليل نسبة الفساد المتفشي داخل بلادنا ليس لأننا متغاظين او حفودين او كده .. ومش عشان مثلا احنا بنحب نفضح الناس .. لا والله .. احنا الاول روحنا للناس دول في السر وكلمناهم وقد رأينا منهم هذه الردود الخياليه التي ذكرناها لكم
على العموم انا والله سعيد انك شرفت المدونة واتمنى اني اتعرف عليك في ارض الواقع فأنت شخصية محترمه
:)
للأسف مع كل الايضاحات الا ان من الواضح ان من قال الغرض مرض كان على حق..
و الله دى وجهة نظرك و انت حر فيها
بس على اى حال ان كان محيرك كتير موضوع فرز السى فى فاحب اوضحلك ان السىفى فى نفس اللحظة اللى انت بتقدمو فيها بيتحكم عليه و لو اخدت بالك شوية مش انا اللى بحكم عليه لكن مندوب الشركة اللى واقف حاطط معايير لكده و والله شركة عن شركة بتخلتلف و اكيد انت عارف ده و لو متعرفوش اديك عرفته
و بغض النظر عن عدم فهمك فده موضوع تانى..
و فعلا انا حاولت اخاطبك على قدر عقلك و تفكيرك بس واضح ان مافيش فرق لانك مش بتدور على حقيقة لكن بتحاول تثبت معتقدات معينة فيك
و فى كلتا الحالتين الله معك...و بالنسبة لموضوع تعمل ديليت للرد فاكيد ده مش من ادب الموضوع اللى انت بتتكلم فيه
و ممكن تعملو ديليت زى مانت عاوز و يمكن ده يحسسك بسيادة رأيك و زى ماتحب دى مش مشكلتى...
و الف شكر ليك يا دكتور حمزة على الاقل على احترام اسلوبك و لياقته.. و اتمنى انا ايضا ان القاك فى ارض الواقع انشاء الله عن قريب
الف شكر و مش هعطلكو عشان شيتاتكو و امتحناتكو
فى امان الله...
عادي
اللي مش عادي إنهم يوظفوا الناس
في ناس بتتوظف صحيح ، لكن الله أعلم ازاي
البركة في اللي سمح لهم يضحك علينا
" للأسف مع كل الايضاحات "
التوضيحات ..
فين التوضيحات دى !!!!!!!!!!!!!!!!!!
انا عايزك تاخدهم كوبى و بيست من كلامك و توريهملى ..
يمكن مخدتش بالى و لا حاجة ..
بس لحد دلوقتى ..
انا مش شايف غير ان فيه كلام انا علقت عليه و ملقتشى رد عليه ..
حضرتك كنت اتكلمت على 40 شركة ..
و عدد غير منطقى من السيفيهات ..
انا طلبت اسامى ال 40 شركة اللى حضروا الملتقى ..
بلاش 40...
حسهلها .. مع انك اللى صعبتها على نفسك من الاول ..
خليهم 30 ..
و ان كنت عارف انك حترد عليا و تقولى ..
انك خلاص وضحت موضوع ال40 شركة ..
و ده طبعا فى مشاركة قبل كده ..
اقولك ..
خليهم يا سيدى 25 ..
بس جيب حاجة ..
اعطنى دليل على ان كلامك صح ..
يعنى انا لما قولت يا جماعة فى سيفهات كانت مرمية ..
انا جبت فيديو و صور على كلامى ..
جبت ادلة ..
كلام حضرتك مرسل ..
بلا اى دليل ..
قاعد تتكلم على شخصيتى ..
و انها شخصية فيها العبر ..
يا سيدى انا حقود و غلاوى و قلبى اسود زى الفحمة ..
مال الموضوع يشخصيتى ..
اثبت عكس كلامى ..
بدل ما تتكلم على شخصيتى ..
اتكلم على النقط ..
اعتقد ده افيد لينا كتير ..
و الاهم ..
ان لما الواحد يكون غلطان
انو يعترف ..
فالاعتراف بالحق فضيلة ..
ملحوظة هامة :
انا دخلت على موقع الار تى سى و بعت ايميل لدكتور احمد بدير ..
و لا ازال اطمع فى تفسير ..
او اعتذار
و اعتقد انى كده نبقى عملنا اللى علينا اوى ..
حطينا لينكات فى كل المواقع
فيس بوك.. موقعكم .. منتديات ..
و طالما ان لا تفسير جالنا
يبقى نسيب الناس تحكم باللى شافته ..
سلام عليكم ..
ملحوظة
أغلب الشركات بتكون عايزة سي فيهات شغل
و أغلب المتقدمين طلبة فبالتالي...
نقطة الفرز المبدئي
أغلب الشركات مش هاتروح بأكتر من 500 cv
فيبيخلو الناس بتاعت الفير تفرز في الأخر
ياهما بيفرزوا
مثلا السنة إلي فاتت بتاع روش قال للولد بتاع الفير
يتخلصله من السيفيهات إلي صاحبها ما إدربش قبل كده
أنا مش من الفير و ما روحتهوش السنة دي
كان فيه فى احد المنتديات طلب من المسئول عن المنتدى بنشر تعليقه فى المواقع اللى بتتكلم عن الموضوع ..
و ده كان تعليقه " TaisO " :
"HA wrote:
لكن اكيد فيه حد من ال ار تي سي ... ماهو عشان كده انا بسأل وبقول عاوزين تفسير(( منطقي )) لما رأيناه"
قبل ما أرد علي سؤالك المشروع.. اسمح لي أبدي رأيي في الحمله غير المنظمه اللي شايفينها اليومين دول ضد
RTC
هو مين اللي نسي الصندوق؟
RTC ??
طبعا لأ.. ده موظف مهمل من الشركه الفلانيه
هل الموظف ده تابع للشركه الفلانيه و لا
RTC??
طبعا للشركه و للشركه فقط
حلو قوي!
يبقي خطأ الموظف المهمل اللي بينسي ده .. مين اللي يتحاسب عليه؟ الشركه و لا
RTC!
طبعا الشركه
جميــــــــــــــــــل
و مين يا تري اللي يحاسبه !!! هل أنت و لا أنا ؟
طبعا لأ.. شركته و رئيسه المباشر هو المسئول
و لا أنت و لا أنا لنا علاقه بالموضوع ده
أما موضوع التدريب و أقتصاره علي فريق المنظمين و القصه المكرره دي
طبعا ده حق من حقوقهم لأن ده جزء من مكافأتهم و جزء مشروع
و غير كده.. الشركات نفسها شايفه أنهم متوافر فيهم مواصفات النتدربين اللي هيكونوا للشركه
"added value"
علي الأقل دي ناس مفحوته نشاط و انتاج و مخضرمه طول السنه
علي عكس اللي مقضيها نايم في سريره أو حتي مكفي علي كتابه و كراسنه
طلبي الأخير..
أعطي كل ذي حق حقه.. و كفايه تعكير للمحيط
الناس جايه كلها أمل و تفاؤل أنها هتوصل لفرصه تدريب أو وظيفه أرقي.. ليه تعملوا قصه علي صندوق نسيه موظف راسه مش فيه
أومال كنتوا ح تعملوا ايه لو كان نسيه للأبد و مش راجع صلح غلطه لما أفتكر و طلب يسترجعه
سؤال يطرح نفسه مش كده؟
عموما.. الموضوع ده هيفضل زي ما هوا لأن ده عهد واخدينه علي نفسنا
بالأضافه أننا ليس لنا ناقه و لا جمل فالموضوع من أساسه
اللي عايز يرد .. يرد طالما ملتزم بقواعد و قوانين الموقع
رجاء خاص:
تعديل أسم الموضوع و حذف الكلمه اللي مش ف مكانها
لأن كان صندوق مستندات مش حاجه تانيه
كمان..
اذا كنت محايد و مش طرف فالهجمه غير المنظمه.. أنشر ردي ده علي لساني فالأماكن اللي بيدور فيها الهجوم و شوف رد الناس من موافق و معارض.
رابط التعليق .
http://pharma-club.net/viewtopic.php?f=165&p=95721&sid=93399fd24997b0218c754894c824d986#p95721
حعلق على الكلام فى نقطة ..
مبدئيا ..
اى مشروع بيكون ليه هدف معين
دى نقطة مفيهاش خلاف ..
على قد ما المشروع بيحقق الهدف ..
معنى كده ان المشروع ناجح او العكس ..
طيب بالنسبة للملتقى ..
حضرتك بتقول ان دى غلطة مندوب الشركة ..
مبدئيا اه .. فعلن غلطت المندوب ..
بس هل ده اول مرة تحصل ..
يعنى ناس كتيرة بتقولك .. ما ده عادى و بيتكرر كل سنة ..
و اللى قال الكلام ده مش انا
دول ناس فى الار تى سى نفسهم ..
يبقى معنى كده ان الموضوع ابتدى يخرج عن هدفه ..
يبقى من المنطقى طالما انا عايز اخدم الناس انى احافظ على مشروعى ..
و كمان يكون الموضوع بيخدم الناس بجد
يعنى ممكن افرض شروطى على الشركات اللى جاية ..
لان دى فرصة ليهم فى انهم يعملوا دعاية
و بالتالى احاول استخدمها و اتأكد ان فعلا لازم يكون عدد معين من الطلبة بيدربوا
مش مجرد نيه ..
الحاجة التانية ..
كان لازم على الاقل اعتذار للناس على المنظر اللى شافوه
حط نفسك مكان واحد بيبص لقى سى فى بتاعه على الارض ..
معتقدشى ان اى حد يحب يشوف المنظر ده ..
تالت حاجة .. حفترض ان السى فى فعلن سى فى فاشل ..
هل حسيب الصندوق كده فى الكلية ..
يعنى على الاقل مراعاة لشعور الناس ارميه بره فى اى حتة ..
مش فى الكلية كده..
حاجة اخيرة ..
يا ريت لما نيجى نتكلم على الموضوع ..
تحط نفسك مكان الاخ اللى شاف سى فى بتاعه مرمى على الارض سواء كان حاطط صورته او لأ
و اعتقد ان محدش يرضاها لنفسه ..
Hasomi wrote :
تالت حاجة .. حفترض ان السى فى فعلن سى فى فاشل ..
هل حسيب الصندوق كده فى الكلية ..
يعنى على الاقل مراعاة لشعور الناس ارميه بره فى اى حتة ..
مش فى الكلية كده..
================
7las 7adretak da7'alt gowahom w 3reft enohom mot3ameden enohom yesebo elsando2 ?
6b hyseboh leh ,m3homsh 3arabeya ya5doh feh masalan, b2absa6 qawa3ed elman6eq wade7 gedan eno ehmal msh
mota3amad
w men ely 2al l7adretak en elqessa de bte7sal kol sana, w 7asale6 emta w men shafha w matsawaretsh leh lw kanet 7asal6 zy elmara de
bs 3la fekra, 3malto de3aya 7elwa for this blog, bs msh ha6awel kteer
l2en feh ta7amol shaded w 3adam 7eyad f tawde7 elsora
thx
حضرتك بتقول انو اكيد انا مش دخلت فى نيتهم ..
و ان الموضوع واضح اوى انو اهمال غير مقصود ..
ده على اعتبار انى مش سمعت تعليق علاء سعد اللى قال ان الشركة نسيت الصندوق ..
بالذمة حد ممكن يصدق ان شركة محترمة زى دى تنسى صندوق و كأن الناس اللى شغالين فيها موظفين من اللى بيطلعوا فى التلفزيون و قاعدين يحلوا الكلمات المتقاطعة ..
و المفروض برضة انى اعمل نفسى مش واخد بالى خالص لما اسمع برضة تعليقات من ناس اصلن فى الار تى سى و همه بيقولوا ان القصة دى متكررة ..
و اكيد يعنى انا مش الوحيد اللى اعرف ناس فى الار تى سى ..
و الاكيد برضة ان الناس اللى دخلت و قرت الموضوع بالقدر الكافى من الحكمة و الذكاء انهم يقدروا يفرقوا بين الكلام الغلط و الصح ..
نقطة تانية ..
اكتشاف التقصير او الخطأ .. لا يعنى ان الخطأ ده لسه ظاهر .. يعنى ممكن يكون كان موجود بس لسه مش اتعرف بالشكل الكامل ..
بالمعنى العلمى بما اننا صيادلة ..
واحد مثلا مات ..
مش معنى انو مات .. ان حاجة جت موتته مرة واحدة ..
لآ ممكن كان فيه بكتيريا مثلن .. قاعدة معاه بقالها كذا سنة و هيه السبب فى موته ..
و ده يرد على جملة مش معنى السنة دى يعنى ..
...........
برضة ملحوظة هامة جدا
كان فيه اخ بيرد على تعليقاتى .. و انا كنت استفسرت عن حاجات .. و هو مش عارف راح فين ..
حد عارف !!!!
................
ملحوظة 2 :
بما ان حضرتك مقتنع ان ده خطأ
و ده وارد ان اى حد يغلط ..
مش المفروض لما واحد بيغلط بيعتذر للناس ..
ده المفروض ..
هل المفروض ده حصل ..
علامة استفهام كبييييييييييييييييييرة ..
.....................
قصة ان المدونة اتشهرت و الكلام ده ..
هيه الناس بتعمل مدونة ليه ..
اكيد عشان تعبر عن اللى جواها ..
و بالتالى ..
يكفينى جدا .. انى نزلت موضوع زى ده ..
و يكفينى جدا .. ان ناس كتيرة شافت الموضوع و اعجبت بالمحتويات بتاعته ..
اما حكاية انها اتشهرت ..
فاعتقد ان دى حاجة تسعدنى ..
موضوع ان ده مش حيستمر ..
اعتقد انك تركز فى الموضوع احسن ..
حاول حتى تقولى اسم ال40 شركة ..
بجد نفسى اعرف نصهم حتى ..
..............
اعتقد ان هدف الموضوع ..
كنا عايزين استفسار عن السبب ..
وضحنا اللى احنا شفناه ..
و سمعناه ..
كون ان الناس تقتنع بوجهة نظر صاحب الموضوع ..
فهم احرار ..
و برضة االناس الحمد لله مش بالسذاجة انها تصدق قصة .. اقل حاجة تتوصّف بيها انها قمة السذاجة ..
شكرا ..
أنا بقى يا جماعه هتكلم على اللي حصل معاياز
أنا كنت واقف قدام 6 من ال RTC وقدامهم كلهك خليتهم يعترفو أن الفير ده مشروع تجاري 100% ز
الأخ اللي بيقول أنهم بيشتغلو وبيشقو وبيتعبو طيب ماهم طلعلهم فلوس من ورا الموضوع ده ، واللهي يا جماعه الأرقام اللي هقلهالكم دلوقتي أرقام انا سامعها من ناس كبار في الار تي سي نفسه :
في الفير التالت اللي هو السنه اللي فاتت دخل للار تي سي حوالي 700000 جنيه
اللي ادفع منهم للكلية وللناس الصغيرين حوالي 500000 جنيه والباقي في جيب الكبيييييييييير (ربنا يباركله)
انتو عارفين انا وانا واقف معاهم قبل ما الفير يبدا كلهك اعترفو ان الفير ده اول ما بيدخلو فيه بيدخلو الناس بتاعت الار تي سي ، يعني لو فرضنا مثلا ان الفير ده كله بيجي منه حوالي 100 تدريب في الشركات ، هما بيدخلو الار تي سي كلهم الاول وبعد كده بيدخلو بقيت الناس يعني تقريبا هيبقى من ال 100 تدريب دول 90 للار تي سي و 10 لباقي طلبة الكلية كلها ، لا والبجاحه انهم وهما واقفين بقى بيقولو انت تحمد ربك على الباقي ده وتحاول تجتهد عليه .
المهم فضلت احرجهم في الكلام كده لغاية ما جه بدير بيه ولما شافهم كلهم واقعين في نص هدومهم كده نده عليهم وقالهم ماحدش يتكلم معاه ز
انا بعتله مع حد بس مش عارف وصلهاله ولا لا بس انا هكتبها هنا ، اذا دي اخلاق الار تي سي يا بدير ان واحد بيتناقش معاكم وتقولهم نفضوله ، واذا دي يبقى ........... والف شكر يا باشا ، وصدقني هتلاقي الفير ده أقل فير دخلك فلوس لان الناس بدات تفهم اللي بيحصل ، وبعدين ماسالتوش نفسكم هوا ليه في كل ستاند بيقف واحد من الار تي سي ؟ ودي ردها واللهي العظيم واخده من على لسان واحد من الفير قالي ان احنا بناخد السي في اللي احنا عايزينه والباقي هيترمي ، واظنك يا بدير مش هتنسى من سنتين لما كنت داخل الاتحاد وبتوع الجواله ههدوك وحلفولك انهم هيعلقولك السي فيهات اللي اترمت على باب الكلية ، نسيت؟
انا بس فعلا كل اللي يحرق انهم بيحسبو انهم بيضحكو علينا ، وانا اكره حاجه عندي اللي يحسسني انه هوا خلاص وانه بيكلم عيل صغير ، انا حبيت احكي اللي حصل في وانا واقف قدام الاستاند بتاع الار تي سي واللي مش مصدق يبعتلي وانا هقوله اسامي الناس اللي انا احرجتهم واحد واحد ، بس مش عايز اقولها هنا لان فيه منهم اصحابي .
وشكرا
belnesba lmawdo3 mo7awlet nashr elmodawana, da 7a2ak bs mn 3'er mtesta5dem adawat msh masmo7a
zy masalan enak t7o6 mawdo3 yeshed elnas f forum, w 3ayzeen tshofo elvideo wel sewar t3alo 3la el link da
w mtensash en mamno3 enak t7o6 link 3la montada l7aga barah 3la other site, ela bshero6 mo3ayana zy eno yekon Youtube masalan aw 3'ero, bs msh personal
de rule f mo3zam elforums
-belnesba l3adad elsharekat i don't think enhom ykamelo 25
-w b7esba so3'ayara lw 3erefna en elsherka ely wa5da makan kwaies btedfa3 masalan 12,000 LE (platinum) wel sherka elgolden 10,000, w feh 8,000
w 3adena elsharekat ely kanet mwgoda, htla2y eno elraqam hykon a2al kteer mn bta3 elsana ely fatet ely 7adretak bet2ol 3aleh
da abl ay masareef aw 2egar lkol el7agat ely kanet mwgoda de
fa ya reit lw 7adretak te2ol arqam adaq mn kda w more logic 3shan zy m7adretak bet2ol elnas msh sazga
& thanx again :)
الدكتور احمد اللي بيتكلم عن عدد الزيارات بتاعت المدونة اللي لم تتعدي ال25 ياريت تدخل تشوف اللينك دي ... دي برنت سكريين للريبورت بتاع google analetics (( لو سمعت عنه يعني دي عباره عن خدمه بيقدمها جوجل لاي موقع ودي بتعمل كاونتنج لكل الزيارات ... بس بتحط كود معين في الhtml بتاع الموقع وهمه يبعتولك وكده يعني ))
المهم يعني خش هنا
http://img248.imageshack.us/img248/1291/googleanaleticsqn6.jpg
على فكره احنا مش مهم بالنسبه لينا ان المدونة تبقى مشهورة .. احنا عاملينها عشان تكون مجرد نافذه على الناس نقول فيها رأينا ..... فبمجرد ما قولنا رأينا انا شايف اننا حققنا هدفنا
:)
المهم ... بجد انت شرفتنا كتيير
:)
هنــــا
انا مش عارف ..
ناس داخلة المفروض انها تجاوب على استفسارات ..
تسيب كل حاجة و تتكلم على شخصيتى ..
او تتكلم على المدونة ..
و ازاى انا بحاول انى اشهرها ..
هل دى قضيتك ..
حاجة غريبة ..
طب ما تجاوب على اللى يخصك ..
لأ و ازاى يجاوب ..
لازم يدخلنى فى مواضيع و مناقشات بيزنطية ..
و هل يا ترى .. فى قوانين المنتدى نحط لينكات ام لا يجوز ..
و كالعادة ..
مش حلاقى رد على الاسئلة اللى قولتها ..
او الاستفسارات
و لا الاخ"Mahmoud " اللى حط كلام- و اللى انا و الله العظيم ما اعرف هو مين _ اعتقد انو برضة مش حيلاقى رد
يمكن يلاقى اتهامات لانه برضة من الاعداء
اعداء النجاح ..
و دمتم ..
For 7amza , thanks 3la radak elmohazab wel manteqy ra3'm enak m7abetsh terod 3la goz2 mn kalamy
For Hasomi, eslobak fel rad hy5aleny awa2af mona2shety 3shan mteb2ash safsa6a mlhash lazma zy
manta 2olt
w 3la fekra ana magetsh ne7yet sha5setak 5ales aw 3an elmodawana, ana 3abart 3an ra2ye f eslob mo3ayan fel nashr msh aktar, w da kan no26a west no2a6 tanya (laken enta sebt kolo w msekt f de, bra7tak)
P.S : ana mkansh asdy ad5ol f
mwade3 far3eya, de kanet mogarad goz2 mn elpost bta3ty, kan momken mtrodesh 3leha w trod 3la ba2y elagza2
laken 7adretak sebt ba2y elagza2 w msekt w mradetsh 3'er 3la elgoz2 da, MSA
w da goz2 msalan mn ely 7adretak mradetsh 3laya feh, yemken la2eno brdo bara elmawdo3 aw yemken l2ano msh 3la hawa kalamak, ana m3rafsh
"-belnesba l3adad elsharekat i don't think enhom ykamelo 25
-w b7esba so3'ayara lw 3erefna en elsherka ely wa5da makan kwaies btedfa3 masalan 12,000 LE (platinum) wel sherka elgolden 10,000, w feh 8,000
w 3adena elsharekat ely kanet mwgoda, ......"
دكتور احمد ..
حضرتك بتقول انك مش اتكلمت لا على شخصيتى و لا على المدونة خالص ..
طيب نشوف جزء من كلام معاليك كده ..
" bs 3la fekra, 3malto de3aya 7elwa for this blog, bs msh ha6awel kteer
l2en feh ta7amol shaded w 3adam 7eyad f tawde7 elsora "
"
belnesba lmawdo3 mo7awlet nashr elmodawana, da 7a2ak bs mn 3'er mtesta5dem adawat msh masmo7a
zy masalan enak t7o6 mawdo3 yeshed elnas f forum, w 3ayzeen tshofo elvideo wel sewar t3alo 3la el link da
"
"
w mtensash en mamno3 enak t7o6 link 3la montada l7aga barah 3la other site, ela bshero6 mo3ayana zy eno yekon Youtube masalan aw 3'ero, bs msh personal
"
و مع ان الردود دى مالهاش اى علاقة بالموضوع غير انها حركة لذيذة انى اخش معاك فى مناقشات و نسيب القصة ..
بس يا ريت نسيب كل الكلام الجانبى ده ..
حاجة تانية ..
ان حضرتك عايزنى انا اللى ارد على اسئلتك
مع ان العكس هو اللى المفروض يحصل
يعنى انااتكلمت كتير على نقط معينة ..
و بعدين شخص غيرى هو اللى علّق على موضوع المبلغ
اعتقد هو كفيل بانه يرد على استفسار حضرتك
و اعتقد برضة ان حضرتك اللى المفروض ترد على كلامى انا ..
فيه شوية حاجات مفروضه ..
رجاء تانى ..
يا ترد على الاستفسارات بدون الخوض فى ان المدونة شكلها شيك و لا لأ
يا تخش فى الموضوع على طول ..
يأما حضرتك تعلّق فى مواضيع تانية ..
شكرا ..
Sure msh harod w hasebak t-enjoy it yourself & say what u want mn 3'er m7ad ya3tared 3la kalamak elma3som
rabena ywafa2kom
:D
يعنى هو لو انت كان عندك رد حاسم
كنت حتتكلم كلام جانبى ..
كنت حترد على الكلام بالادلة ..
بس انا مقدر مشغولياتك
منور
:)
السلام عليكم
انا بس عايز احكي تجربه ليا مع الار تي سي و انا مبدئيا مش باعلق عليهم كأشخاص و لكن انا باعلق عليهم كمجموعه انا دخلت السنه دي الMPM
Model of Pharmaceeutical Marketing
كان عباره عن محاضرات و بعدين موديل عشان نعمل لانش لدوا جديد في السوق طبعا الفكره حلوه جدا و لكن التنظيم الكارثي العشوائي دمرها تماما الناس كان المفروض تتقسم جروبات عشان يشتغلوا مع بعض الناس بتوع الار تي سي هما اللي قسموا الجروبات فطبعا حطوا صحابهم في جروبات مع بعض (و الكلام ده كله قدام عيني لاني شفت التقسيم كله ) و بقيت الناس اتوزعوا اي حاجه تلاقي ناس من اكتوبر مع ناس من مدينة نصر و مهازل و الباشا اللي كان ماسكها قال بعلو صوته مفيش تغيير للجروبات و انا شايفه بعيني بعدها واحد صاحبه بيقول له الجروب دا مش عاجبني قال له خلاص اخلص الناس و شوف انت عايز تروح فين و اوديك
بلااااااااااااااش
في الpresentation النهائي قاعدين نسمع الناس فانا باقول للي جنبي حاجه لقيت واحد من الorganizers بيقوللي بمنتهى القرف "بلاش تتكلم لحسن اطلعك بره" يطلعني بره ؟؟!! هيه تكيه؟؟ ده لولا كان معايا صحابي كتر خيرهم مسكوني عنه بالعافية انا كنت دخلت فيه السجن
مااااااااااا علينا لما جه دورنا كنا مبسوطين قوي و عاملين شغل زي الفل و كان اللي عمل الpresentation النهائي ناس معانا من الجروب في الار تي سي لقيناهم شالوا كل شغلنا و حطوا شغل من دماغهم و كانت النتيجه طبعا السقوط المروع
انا عارف ان ده مالوش علاقه بالموضوع لكن انا فعلا كنت هاتجنن من الموضوع ده و مش لاقي حته اعبر فيها عن رأيي و كل ما اقول لحد يطلعلي باسطوانة انت فاشل و حاقد عليهم عشان هما ناجحين و انت حثالة المجمتمع و ان هما النخله المثمره اللي الناس بتحدفها بالطوب
و انا طبعا ما انكرش ان ان في ناس في الار تي سي زي الفل و من احسن الناس في الكليه و منهم كتير صحابي و في كورسات و حاجات بيعملوها بتكون فعلا مفيده جدا لكن مع الاسف السائد هو مبدأ الخيار والفقوس و احساسهم بالتفوق على الناس و العظمه الفارغه و زي ما قال العبقري (اي و الله عبقري ) محمد سعد الجنيه غلب الكارنيه
و اخيرا اسف للاطاله و السلام عليكم
و انا معاك ..
انى لما كتبت الموضوع انا كنت بتكلم على نقطة معينة ..
و المفروض حد يرد عليا فى النقطة دى ..
دخلونى فى قصة اعداء النجاح و الحاجات دى
بدل ما يشوف القصة ايه
و يحاول يغير
بس عادى خالص..
..
الموقف اللى انت حكيته ..
يا ريت حد من اللى حضر يرد او حد من المنظمين يوضح
يا ريت !!
إرسال تعليق