و انا فى العربية فى الطريق
و ايام انتخابات مجلش الشعب لقينا يافطة كبيييرة مكتوب عليها
:D
و طبعا اكييد .. ان الناس بتوع الدايرة همه اللى مجمعين من جيوبهم ..
ان لم يكونوا مش لاقيين ياكلوا خالص .. بس استلفوا و باعوا اللى وراهم عشان يعملوا اليفط دى ..
يعملوا ايه طيب ... ؟؟
بيحبوا النايب بتاعهم .. :D
اللهم ارزقنا حبه و حب من يحبه ..
اميين
:)
الموقف التانى ..
زى ما بيقولوا حدث بالفعل ..
مدرس .. صحى الصبح .. لقى والدته تعبانة و شبة فاقدة الوعى ...
فكّر شوية .. لقى ان مش عنده اجازات و مش حيقدر يتأخر لحد ما يروح معاها لاقرب مستشفى ..
فقال خلاص .. اخواتى حيقوموا بالازم ..
المهم راح مشى و راح المدرسة عادى خالص ..
و على الساعة 10 كده كلموه فى المدرسة .. قالوله البقاء لله ..
يا رب تكون والدته دى فضلت غايبة عن وعيها .. عشان متشوفشى ابنها قد ايه ساب الدنيا علشانها ..
يا ترى هو ضميره عامل ازاى دلوقتى ..
هل هو حاسس اساسن دلوقتى بحاجة ..
فية شوية احساس بالذنب و لو بسيط ..
و لا يا ترى بيقول لنفسه او بمعنى اصح بيبرر لنفسه ..
" يا عم خليك مؤمن .. دى الاعمار بيد الله "
فيه جحود اكتر من كده ..
هل يا ترى لو كان واحد صاحبة او مراته جرالها كده .. كان برضة حينزل و يروح المدرسة ..
سبحان الله ..
.......................................................................
الاول .. ده عادى بيحصل كتيير و فى كل حته ..
الموقف التانى حصل يوم الخميس اللى فات ..
ربنا يهدينا .. امييين ..
هناك ٥ تعليقات:
هم يبكي وهم يضحك
ربنا يرحم الست المريضه برحمته ويسامح ابنها ويهديه
هو موقف لا يحتاج لتبرير طبعا
لكن شكلنا هنشوف في الزمن ده كتييييييير
اما الموقف الأول
فانا عرفت بلدكو يا حلو
وما دام دي بلدكو يبقى مستني منها ايه
ولا ايه رأيك
(:
:D
اهلن بيك يا دكتور ...:)
بس دى مش بلدنا و لله الحمد .. انا بعدى عليها بس .. :)
اللى ماسك دايرتنا .. نائب اجمد .. :D
الاولاني ده ربنا يهدي
ده الطبيعي يعني
التاني ده اللي مؤثر فعلا
الواحد مش عارف هل والديه راضيين عنه ولا لا
وهل هيتوفاهم الله وهمه راضيين عنه ولا لا
وايه هيبقى شعوره لما يتوفى احد والديه :(
الموقف الاول
سهله اتعودنا خالص
اما التانى
بجد ربنا يرحمها
باى قلب مشى وسبها مريضة عشان شغله
يعنى لو كان اللى مكانها ابنه كان مشى وسابه برضوا
حسبى الله ونعم الوكيل
ربنا يلطف بيا
.
@ noha :
اميين يا رب ..
يمكن ربنا رحمها فعلن ..
مش يمكن ..
ده الاكيد ..
إرسال تعليق